ಅಧಿಕಾರಿಯ ಹೆಸರು ಹೇಳಿ: ಕೇಜ್ರಿಗೆ ಸಿಬಿಐ

ನವದೆಹಲಿ: ``ಯಾರು ತಾವು ಹೇಳಿದಂತೆ ಕೇಳುವುದಿಲ್ಲವೋ ಅವರ ವಿರುದ್ಧ ಅಸ್ತ್ರ ಪ್ರಯೋಗಿಸಿ ಎಂದು ಕೇಂದ್ರ ಸರ್ಕಾರ ಸಿಬಿಐಗೆ ಸೂಚಿಸಿದೆ ಎಂದು ಸ್ವತಃ ಸಿಬಿಐ ಅಧಿಕಾರಿಯೊಬ್ಬರು ಹೇಳಿದ್ದಾರೆ'' ಎಂಬ  ದೆಹಲಿ  ಸಿಎಂ ಕೇಜ್ರಿವಾಲ್ ಹೇಳಿಕೆಗೆ ಸಿಬಿಐ ಕೆಂಡಾಮಂಡಲವಾಗಿದೆ. ಆ ಅಧಿಕಾರಿಯ ಹೆಸರು ಹೇಳಿ ಎಂದು ಶನಿವಾರ ಕೇಜ್ರಿಗೆ ಸಿಬಿಐ ಸವಾಲೆಸೆದಿದೆ.

ದೆಹಲಿ ಸಿಎಂ ಹೇಳಿಕೆ ಸಂಪೂರ್ಣ ಸುಳ್ಳಿನಿಂದ ಕೂಡಿದೆ ಎಂದು ಸಿಬಿಐ ವಕ್ತಾರ ದೇವ್‍ಪ್ರೀತ್ ಸಿಂಗ್ ಹೇಳಿದ್ದಾರೆ. ಇದೇ ವೇಳೆ, ``ಟ್ವೆಂಟಿ ಫಸ್ಟ್ ಸೆಂಚುರಿ ಸಂಸ್ಥೆಯ ಲೋಕೇಶ್ ಶರ್ಮಾ ಮೂಲಕ ಜೇಟ್ಲಿ ಅವರು   ನಮಗೆ ನೋಟಿಸ್ ಕಳುಹಿಸಿದ್ದಾರೆ. ಆದರೆ, ನಾವು ಸಾವಿರ ನೋಟಿಸ್ ಬಂದರೂ ಪ್ರಶ್ನೆ ಹಾಕುವುದನ್ನು ನಿಲ್ಲಿಸಲ್ಲ'' ಎಂದು ಆಪ್ ಹೇಳಿದೆ.