ಸೂರತ್: ಗುಜರಾತ್ಗೆ ಭೇಟಿ ನೀಡಿದ್ದ ಟಿಬೆಟ್ನ ಧರ್ಮಗುರು ದಲೈಲಾಮಾ ಭಾರತೀಯರು ನನ್ನ ಗುರುಗಳು ಎಂದು ಗುರುವಾರ ಹೇಳಿದ್ದಾರೆ.
ನಿನ್ನೆ ಗುಜರಾತ್ಗೆ ಭೇಟಿ ನೀಡಿದ್ದ ದಲೈಲಾಮಾ ಭಾರತೀಯರನ್ನು ತನ್ನ ಗುರುಗಳೆಂದು ಪರಿಗಣಿಸುತ್ತೇನೆ ಎಂದು ಹೇಳಿಕೊಂಡಿದ್ದಾರೆ.
ನನ್ನ ಮನಸ್ಸಿನ ತುಂಬಾ ನಲಂದಾ ಕುರಿತ ವಿಚಾರಗಳೇ ತುಂಬಿಕೊಂಡಿದೆ. ಇದು ಪುರಾತನ ವಿಶ್ವವಿದ್ಯಾಲಯ. ಹಾಗಾಗಿ, ನಾನು ಭಾರತೀಯರನ್ನು ನನ್ನ ಗುರುಗಳೆಂದು ಪರಿಗಣಿಸುತ್ತೇನೆ ಎಂದು ತಿಳಿಸಿದ್ದಾರೆ.
ನಾವು ಕೇವಲ ಅನುಯಾಯಿ. ಆದ್ದರಿಂದ ಸಹಜವಾಗಿ ನಾನು ನಮ್ಮ ಗುರುಗಳಿಗೆ ನನ್ನು ಶುಭಾಶಯಗಳನ್ನು ವ್ಯಕ್ತಪಡಿಸಲು ಬಯಸುತ್ತೇನೆ ಎಂದ ಅವರು, ಸಾಂಪ್ರದಾಯಿಕ ಮತ್ತು ಐತಿಹಾಸಿಕವಾಗಿ ಭಾರತೀಯರನ್ನು ನನ್ನ ಗುರುಗಳೆಂದು ಭಾವಿಸಿದ್ದೇನೆ ಎಂದಿದ್ದಾರೆ.
ತಮ್ಮ ತಾಯಿಯ ನೆನಪಿಗಾಗಿ ಸೂರತ್ ಮೂಲದ ಉದ್ಯಮಿಯೊಬ್ಬರು ಸಾಮಾಜಿಕ ಕ್ಷೇತ್ರದ ಸೇವೆಯನ್ನು ಪರಿಗಣಿಸಿ ಸಂತೋಕ್ಬ ಪ್ರಶಸ್ತಿಯನ್ನು ನೀಡುತ್ತಾ ಬಂದಿದ್ದಾರೆ. ಈ ಬಾರಿ ಈ ಪ್ರಶಸ್ತಿಗೆ ಟಿಬೆಟ್ನ ಗುರು ದಲೈಲಾಮಾ ಅವರನ್ನು ಆಯ್ಕೆ ಮಾಡಲಾಗಿತ್ತು. ಇದನ್ನು ಸ್ವೀಕರಿಸಲು ದಲೈಲಾಮ ಸೂರತ್ಗೆ ಭೇಟಿ ನೀಡಿದ್ದರು.
ಪ್ರಶಸ್ತಿ ಸ್ವೀಕರಿಸಿದ ನಂತರ ದಲೈಲಾಮಾ ಅವರು ವೀರ್ ನರ್ಮದಾ ದಕ್ಷಿಣ ಗುಜರಾತ್ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದ್ದಾರೆ.
Advertisement