ನವದೆಹಲಿ: ದೇಶದ ಮೊದಲ ಹವಾ ನಿಯಂತ್ರಿತ ಡಬಲ್ ಡೆಕ್ಕರ್ ಶತಾಬ್ದಿ ರೈಲು ಶೀಘ್ರದಲ್ಲಿ ಮುಂಬೈ-ಗೋವಾ ನಡುವೆ ಸಂಚರಿಸಲಿದೆ. ಗೋವಾ ಪ್ರಮುಖ ಪ್ರವಾಸಿ ತಾಣವಾಗಿದ್ದು ದೇಶಾದ್ಯಂತ ಪ್ರವಾಸಿಗಳ ನ್ನು ಆಕರ್ಷಿಸಲಿದೆ.
ಈ ಡಬಲ್ ಡೆಕ್ಕರ್ ಅಲ್ಲಿನ ಪ್ರವಾಸೋದ್ಯಮಕ್ಕೆ ಇನ್ನಷ್ಟು ಉತ್ತೇಜನ ನೀಡಲಿದೆ ಎಂದು ರೈಲ್ವೆ ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಹೌರಾ ಮತ್ತು ಧನ್ಬಾದ್ ನಡುವಿನ ಮೊದಲ ಡಬಲ್ ಡೆಕ್ಕರ್ ರೈಲು 2011ರ ಅಕ್ಟೋಬರ್ ನಲ್ಲಿ ಆರಂಭವಾಯಿತು.
ನಂತರ ಮುಂಬೈ-ಅಹಮದಾ ಬಾದ್, ಚೆನ್ನೈ-ಬೆಂಗಳೂರು, ದೆಹಲಿ-ಜೈಪುರ, ದೆಹಲಿ-ಲಖ್ನೊ ಮಧ್ಯೆ ಆರಂಭವಾಯಿತು. ಆದರೆ ಶತಾಬ್ದಿ ಎಕ್ಸ್ಪ್ರೆಸ್ನಲ್ಲಿ ಡಬಲ್ಡೆಕ್ಕರ್, ಹವಾನಿಯಂತ್ರಿತ ಇದೇ ಮೊದಲು.
ಶತಾಬ್ದಿ ಎಕ್ ಸಪ್ರೆಸ್ ಭಾರತೀಯ ರೈಲ್ವೆಯ ಉನ್ನತ ದರ್ಜೆಯದ್ದಾಗಿದೆ. ಹೊಸ ಎಸಿ ಡಬಲ್ ಡೆಕ್ಕರ್ ಅತ್ಯಾಧುನಿಕ ಸೌಲಭ್ಯಗಳನ್ನು ಹೊಂದಿದ್ದು ಬೋಗಿಗಳನ್ನು ವಿಶೇಷವಾಗಿ ಅಭಿವೃದ್ಧಿ ಮಾಡಲಾಗಿದೆ.
