ಜೆರುಸಲೇಂ: ಯಹೂದಿ ಹೊಸ ವರ್ಷಾರಂಭಕ್ಕೆ ಕೆಲವೇ ಗಂಟೆಗಳ ಮೊದಲು ಇಲ್ಲಿನ ಅಲ್ ಅಕ್ಸಾ ಮಸೀದಿ ಆವರಣದಲ್ಲಿ ಇಸ್ರೇಲ್ ಪೊಲೀಸರು ಹಾಗೂ ಪ್ಯಾಲೆಸ್ತೇನಿಯನ್ನರ ನಡುವೆ ಭಾನುವಾರ ಸಂಘರ್ಷ ಏರ್ಪಟ್ಟಿದೆ.
ಉದ್ರಿಕ್ತರನ್ನು ಚದುರಿಸಲು ಇಸ್ರೇಲ್ ಪೊಲೀಸರು ಟಿಯರ್ ಗ್ಯಾಸ್ ಹಾಗೂ ಗ್ರೆನೇಡ್ ಗಳನ್ನು ಬಳಸಿದ್ದಾರೆ.
ಯಹೂದಿ ಹಾಗೂ ಮುಸ್ಲಿಂ ಸಮುದಾಯದವರಿಗೆ ಪವಿತ್ರ ಸ್ಥಳವಾಗಿರುವ ಅಕ್ಸಾ ಮಸೀದಿಗೆ ಭೇಟಿ ನೀಡಿದ್ದ ಯಹೂದಿಗಳ ಜತೆ ಸಂಘರ್ಷಕ್ಕೆ ಇಳಿದ್ದ ಎರಡು ಮುಸ್ಲಿಂ ಗುಂಪುಗಳಿಗೆ ಇಸ್ರೇಲ್ ನ ರಕ್ಷಣಾ ಸಚಿವ ಮೊಶೆ ಯಲೂನ್ ಕಳೆದ ವಾರ ನಿಷೇಧ ಹೇರಿದ್ದರು. ಈ ಘಟನೆ ನಂತರ ಅಲ್ಲಿ ಪ್ರಕ್ಷುಬ್ಧ ವಾತಾವರಣ ನಿರ್ಮಾಣವಾಗಿತ್ತು.
