ಸೋಮನಾಥ್ ಭಾರ್ತಿ ವೃತ್ತಿಪರ ಕ್ರಿಮಿನಲ್ ನಂತೆ ವರ್ತಿಸುತ್ತಿದ್ದಾರೆ: ದೆಹಲಿ ಪೊಲೀಸ್

ನವದೆಹಲಿ: ಬಂಧನದಿಂದ ಪಾರಾಗಲು ಯತ್ನಿಸುತ್ತಿರುವ ದೆಹಲಿ ಶಾಸಕ ಸೋಮನಾಥ್ ಭಾರ್ತಿ ಪದೇ ಪದೇ ಮೊಬೈಲ್ ನಂಬರ್ ನ್ನು ಬದಲಾವಣೆ ಮಾಡುತ್ತಿದ್ದಾರೆ ಎಂದು ದೆಹಲಿ ಪೊಲೀಸರು ತಿಳಿಸಿದ್ದಾರೆ.
ಮಾಧ್ಯಮಗಳೊಂದಿಗೆ ಮಾತನಾಡಿದ ದೆಹಲಿ ಜಂಟಿ ಆಯುಕ್ತ ದೀಪೇಂದ್ರ ಪಾಠಕ್, ಬಂಧನದಿಂದ ತಪ್ಪಿಸಿಕೊಳ್ಳಲು ಯತ್ನಿಸುತ್ತಿರುವ ಸೋಮನಾಥ್ ಭಾರ್ತಿ, ವೃತ್ತಿಪರ ಕ್ರಿಮಿನಲ್ ನಂತೆ ವರ್ತಿಸುತ್ತಿದ್ದಾರೆ ಮಾಜಿ ಸಚಿವರನ್ನು ಪತ್ತೆ ಮಾಡಲು ಹಲವು ಪೊಲೀಸ್ ತಂಡಗಳನ್ನು ರಚಿಸಲಾಗಿದೆ ಎಂದು ತಿಳಿಸಿದ್ದಾರೆ.
ಪತ್ನಿ ಮೇಲೆ ಕೌಟುಂಬಿಕ ದೌರ್ಜನ್ಯ ಎಸಗಿರುವ ಆರೋಪ ಎದುರಿಸುತ್ತಿರುವ ಸೋಮನಾಥ್ ಭಾರ್ತಿ, ಬಂಧನ ಅಮಾನತುಗೊಳಿಸಲು ಕೋರಿ ಸುಪ್ರೀಂ ಕೋರ್ಟ್ ಗೆ ಅರ್ಜಿ ಸಲ್ಲಿಸಿದ್ದು ಸೋಮವಾರ ಅರ್ಜಿ ವಿಚಾರಣೆ ನಡೆಯಲಿದೆ. ಪ್ರಕರಣದಲ್ಲಿ ದೆಹಲಿ ಹೈಕೋರ್ಟ್ ನಿರೀಕ್ಷಣಾ ಜಾಮೀನು ನಿರಕಾರಿಸಿದ್ದು ಸೋಮನಾಥ್ ಭಾರ್ತಿ ಬಂಧನದ ಭೀತಿ ಎದುರಿಸುತ್ತಿದ್ದಾರೆ.
ಸೋಮನಾಥ್ ಭಾರ್ತಿ ವಿರುದ್ಧ ಅವರ ಪತ್ನಿ ಕೌಟುಂಬಿಕ ದೌರ್ಜನ್ಯ ಪ್ರಕರಣ ದಾಖಲಿಸಿದ್ದಾರೆ.