ನವದೆಹಲಿ: ಇಂಡಿಯಾ ಬದಲು ಭಾರತ ಎಂದು ಹೆಸರಿಡಬೇಕು ಎಂದು ಸಲ್ಲಿಸಲಾಗಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ಸುಪ್ರೀಂ ಕೋರ್ಟ್ ತಿರಸ್ಕರಿಸಿದೆ.
ಯಾರಿಗೆ ಇಂಡಿಯಾ ಎಂದು ಕರೆಯಬೇಕೆಂದಿದೆಯೋ ಅವರು ಇಂಡಿಯಾ ಎಂದು ಕರೆಯಲಿ, ಯಾರು ಭಾರತ ಎಂದು ಇಷ್ಟ ಪಡುತ್ತಾರೋ ಅವರು ಭಾರತ ಎಂದು ಕರೆಯಲಿ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ.
ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ಇಂಡಿಯಾ ಬದಲು ಭಾರತ ಎಂದು ಕರೆಯುವಂತೆ ನಿರ್ದೇಶಿಸಬೇಕು ಎಂದು ಸುಪ್ರೀಂ ಕೋರ್ಟ್ ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಕೆಯಾಗಿತ್ತು.
ಅರ್ಜಿ ವಿಚಾರಣೆ ನಡೆಸಿದ ಮುಖ್ಯ ನ್ಯಾಯಾಮೂರ್ತಿ ಟಿಎಸ್ ಠಾಕೂರ್, ಸಾರ್ಜಜನಿಕ ಹೀತಾಸಕ್ತಿ ಹೆಸರಲ್ಲಿ ಈ ರೀತಿಯ ಭಾವನಾತ್ಮಕ ವಿಷಯಗಳನ್ನು ಕೋರ್ಟ್ ಮೆಟ್ಟಿಲಿಗೆ ತರಬೇಡಿ. ಅವರವರ ಇಷ್ಟಕ್ಕೆ ತಕ್ಕಂತೆ ದೇಶದ ಹೆಸರನ್ನು ಕರೆಯಬಹುದು ಎಂದು ಹೇಳಿ ಅರ್ಜಿಯನ್ನು ತಿರಸ್ಕರಿಸಿದ್ದಾರೆ.
