ಬಲ್ಲಿಯಾ: ಬಿಸಿಯೂಟ ಸೇವಿಸಿ ಪ್ರಾಥಮಿಕ ಶಾಲೆಯ 125 ಮಕ್ಕಳು ಅಸ್ವಸ್ಥರಾಗಿರುವ ಘಟನೆ ಉತ್ತರ ಪ್ರದೇಶದ ಬಲ್ಲಿಯಾ ಜಿಲ್ಲೆಯಲ್ಲಿ ನಡೆದಿದೆ.
ಅಸ್ವಸ್ಥಗೊಂಡ ಮಕ್ಕಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಮಕ್ಕಳ ಸ್ಥಿತಿ ಸ್ಥಿರವಾಗಿದೆ ಎಂದು ವೈದ್ಯರು ಹೇಳಿದ್ದಾರೆ. ಮಕ್ಕಳಿಗೆ ಪೂರಿ ಸಬ್ಜಿ ನೀಡಲಾಗಿತ್ತು. ಇದನ್ನು ಸೇವಿಸುತ್ತಿದ್ದಂತೆ ಮಕ್ಕಳು ವಾಂತಿ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗಿದೆ.
ಮಕ್ಕಳಿಗೆ ಬಡಿಸಿದ್ದ ಊಟದಲ್ಲಿ ಏನೋ ಹೆಚ್ಚು ಕಡಿಮೆಯಾಗಿರಬೇಕು ಎಂದು ಹೇಳಿರುವ ಅಧಿಕಾರಿ ರಾಕೇಶ್ ಸಿಂಗ್, ಈ ಸಂಬಂಧ ನಾಲ್ವರು ಶಿಕ್ಷಕರನ್ನು ಅಮಾನತುಗೊಳಿಸಲಾಗಿದ್ದು, ಇಬ್ಬರು ಅಡಿಗೆ ಭಟ್ಟರು ಸೇರಿ ಐವರನ್ನು ಸೇವೆಯಿಂದ ರದ್ದುಗೊಳಿಸಲಾಗಿದೆ ಎಂದು ತಿಳಿಸಿದ್ದಾರೆ.
