ಅಹಮದಾಬಾದ್: ಗುಜರಾತಿನಲ್ಲಿ ಒಟ್ಟು 53,000 ಅಂಗನವಾಡಿಗಳಿದ್ದು, ಸುಮಾರು 10,000 ಅಂಗನವಾಡಿಗಳಲ್ಲಿ ಶೌಚಾಲಯ ಮತ್ತು ಕುಡಿಯುವ ನೀರಿನ ವ್ಯವಸ್ಥೆಯೇ ಇಲ್ಲ ಎಂದು ರಾಜ್ಯ ಸರ್ಕಾರದ ಅಂಕಿಅಂಶದಲ್ಲಿ ತಿಳಿದು ಬಂದಿದೆ.
4,500 ಅಂಗನವಾಡಿಗಳಲ್ಲಿ ಕುಡಿನ ನೀರಿನ ವ್ಯವಸ್ಥೆ ಮತ್ತು 5,600 ಅಂಗನವಾಡಿಗಳಲ್ಲಿ ಶೌಚಾಲಯದ ವ್ಯವಸ್ಥೆ ಕಲ್ಪಿಸಿಲ್ಲ ಎಂದು ತಿಳಿದು ಬಂದಿದೆ.
ಬುಡಕಟ್ಟು ಜಿಲ್ಲೆಗಳಾಗಿರುವ ಪಂಚಮಹಲ್, ಮಹಿಸಾಗರ್ ಮತ್ತು ದಾಹೋಡ್ ನಲ್ಲಿರುವ ಅಂಗನವಾಡಿಗಳಲ್ಲಿ ಶೌಚಾಲಯ, ಕುಡಿಯುವ ನೀರನ ಸೌಲಭ್ಯ ಸೇರಿದಂತೆ ಮೂಲಸೌಕರ್ಯಗಳಿಲ್ಲ.
ದಾಹೋಡ್ ಜಿಲ್ಲೆಗಳಲ್ಲಿ 808 ಅಂಗನವಾಡಿಗಳಿದ್ದು, ಪಂಚಮಹಲ್ ಜಿಲ್ಲೆಯಲ್ಲಿ 1,411 ಅಂಗನವಾಡಿಗಳಿವೆ. ಮಹಿಸಾಗರ್ ನಲ್ಲಿ 939 ಅಂಗನವಾಡಿಗಳಿದ್ದು, ವಲಸಾಡ್ ನಲ್ಲಿ 586 ಅಂಗನವಾಡಿಗಳಿವೆ. ಈ ಎಲ್ಲಾ ಅಂಗನವಾಡಿಗಳು ಮೂಲ ಸೌಕರ್ಯ ಸೌಲಭ್ಯಗಳಿಂದ ವಂಚಿತವಾಗಿದೆ ವರದಿ ಹೇಳಿದೆ.
