ಬುಲೆಟ್ ಟ್ರೖೆನ್ ಕನಸು: ಅತಿ ವೇಗದ ಟಲ್ಗೊ ಕೋಚ್ ಗಳ ಪರೀಕ್ಷಾರ್ಥ ಓಡಾಟ ಯಶಸ್ವಿ

ಬರೇಲಿ: ಭಾರತದ ಬುಲೆಟ್ ಟ್ರೖೆನ್ ಕನಸನ್ನು ಸಕಾರಗೊಳಿಸುವ ನಿಟ್ಟಿನಲ್ಲಿ ಭಾರತೀಯ ರೈಲ್ವೆಯು ಸ್ಪಾನಿಶ್​ನ ಅತಿ ವೇಗದ ಟಲ್ಗೊ ಕೋಚ್​ಗಳನ್ನು ಬಳಸಿ ಇಝಾತ್ ನಗರ್ ಮತ್ತು ಭೋಜ್​ಪುರ ನಡುವೆ ನಡೆಸಿದ ಪರೀಕ್ಷಾರ್ಥ ಓಡಾಟ ಯಶಸ್ವಿಯಾಗಿದೆ.

ಸ್ಪಾನಿಶ್​ನ ಟಲ್ಗೊ ಕೋಚ್​ಗಳನ್ನು ಭಾರತೀಯ ರೈಲ್ವೆ ಇಂಜಿನ್ ಉಪಯೋಗಿಸಿ ಓಡಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮೇ 29ರಿಂದ ಜೂನ್12ರ ವರೆಗೆ ಬರೇಲಿ ಹಾಗೂ ಮೊರಾದಾಬಾದ್ ನಡುವೆ ಕೋಚ್​ಗಳ ವೇಗ ಪರೀಕ್ಷೆ ನಡೆಯಲಿದ್ದು, ಗಂಟೆಗೆ ಕನಿಷ್ಠ 115ಕಿ.ಮೀ ವೇಗವನ್ನು ನಿರೀಕ್ಷಿಸಲಾಗಿದೆ. ಇದೇ ರೀತಿ ಮಥುರಾ- ಪಾಲ್​ವಾಲ್ ಹಾಗೂ ದೆಹಲಿ- ಮುಂಬೈ ನಡುವೆ ಓಡಾಟ ನಡೆಸಲಿದ್ದು, ಗಂಟೆಗೆ ಕ್ರಮವಾಗಿ 180 ಕಿ.ಮೀ ಹಾಗೂ 200-220 ಕಿ.ಮೀ ವೇಗವನ್ನು ನಿರೀಕ್ಷಿಸಲಾಗಿದೆ.