ನವದೆಹಲಿ: ಕೇರಳದಲ್ಲಿ ತನ್ನ ಕಾರ್ಯಪಡೆಯನ್ನು ಹೆಚ್ಚಿಸಿಕೊಳ್ಳಲು ಆರ್ ಎಸ್ಎಸ್ ನಿರ್ಧರಿಸಿದ್ದು, 2019 ರ ವೇಳೆಗೆ 9 ಲಕ್ಷ ಕಾರ್ಯಕರ್ತರನ್ನು ಹೊಂದುವ ಗುರಿ ಇಟುಕೊಂಡಿದೆ.
ಆರ್ ಎಸ್ಎಸ್ ನ ಹಿರಿಯ ಸ್ವಯಂ ಸೇವಕ ಎನ್ ನಂದಕುಮಾರ್ ಈ ಬಗ್ಗೆ ಮಾಹಿತಿ ನೀಡಿದ್ದು, ಕೇರಳದಲ್ಲಿ ಆರ್ ಎಸ್ಎಸ್ ನ ಕಾರ್ಯಕರ್ತರ ಮೇಲೆ ದಾಳಿಗಳು ಹೆಚ್ಚುತ್ತಿವೆ. ಆದರೂ ಸ್ವಯಂ ಸೇವಕ ಸಂಘ ಕೇರಳದ ಅಭಿವೃದ್ಧಿಗೆ ಬದ್ಧವಾಗಿದೆ ಎಂದು ಹೇಳಿದೆ.
ಕೇರಳದಲ್ಲಿ ನಡೆದಿರುವ ದಾಳಿಗಳು ವಾಸ್ತವದಲ್ಲಿ ರಾಷ್ಟ್ರೀಯತೆ ಹಾಗೂ ಸಮಾಜದೆಡೆಗಿನ ನಮ್ಮ ಬದ್ಧತೆಯನ್ನು ಮತ್ತಷ್ಟು ಹೆಚ್ಚಿಸಿದ್ದು, ಇನ್ನೂ ಹೆಚ್ಚಿನ ಉತ್ಸಾಹದಿಂದ ಕೆಲಸ ಮಾಡುತ್ತಿದ್ದೇವೆ, 2019 ರ ವೇಳೆಗೆ 9 ಲಕ್ಷ ಕಾರ್ಯಕರ್ತರನ್ನು ಹೊಂದುವ ಗುರಿ ಇದೆ ಎಂದು ಹೇಳಿದ್ದಾರೆ.
ಕೇರಳದಲ್ಲಿ 5,000 ಶಾಖೆಗಳು ನಡೆಯುತ್ತಿವೆ, ಗುಜರಾತ್ ನಲ್ಲಿ 1,000 ಶಾಖೆಗಳು ನಡೆಯುತ್ತಿವೆ, ಆರ್ ಎಸ್ಎಸ್ ಗೆ ಹೆಚ್ಚು ಜನರು ಸೇರ್ಪಡೆಗೊಳ್ಳುತ್ತಿರುವುದರಿಂದ ಎಡಪಕ್ಷಗಳ ನೆಲೆ ಕುಗ್ಗುತ್ತಿದೆ ಎಂದು ನಂದಕುಮಾರ್ ಹೇಳಿದ್ದಾರೆ.
