ಜಾರ್ಖಂಡ್ ನ ಪಾಕುರ್ ಜಿಲ್ಲೆಯ ದುಮಾರಿಯಾ ಎಂಬ ಹಳ್ಳಿಯ ಬುಡಕಟ್ಟು ಜನರಲ್ಲಿ ಹಿಂದೆಂದೂ ಕಂಡರಿಯದ ರೀತಿಯ ಸ್ಪರ್ಧೆಯನ್ನು ಏರ್ಪಡಿಸಲಾಗಿತ್ತು. ಅದುವೇ ಸಾರ್ವಜನಿಕವಾಗಿ ಮುತ್ತಿಡುವ ಸ್ಪರ್ಧೆ. ಇದನ್ನು ಆಯೋಜಿಸಿದ್ದು ಜಾರ್ಖಂಡ್ ಮುಕ್ತಿ ಮೋರ್ಚಾ ಪಕ್ಷದ ಸ್ಥಳೀಯ ಶಾಸಕ ಸಿಮೊನ್ ಮರಂಡಿ. ಸುಮಾರು 37 ವರ್ಷಗಳಿಂದ ದುಮಾರಿಯಾ ಹಳ್ಳಿಯಲ್ಲಿ ವಾರ್ಷಿಕ ಮೇಳವನ್ನು ಆಚರಿಸಿಕೊಂಡು ಬರಲಾಗುತ್ತಿದ್ದು, ಈ ಮೇಳದಲ್ಲಿ ಬುಡಕಟ್ಟು ಜನರ ನೃತ್ಯ ಸೇರಿದಂತೆ ಬಿಲ್ಲುಗಾರಿಕೆ, ಓಟದ ಸ್ಪರ್ಧೆಗಳನ್ನು ಆಯೋಜಿಸಲಾಗಿರುತ್ತದೆ. ಆದರೆ ಇದೇ ಮೊದಲ ಬಾರಿಗೆ 18 ವರ್ಷ ಮೇಲ್ಪಟ್ಟ ಗಂಡ ಹೆಂಡತಿಗೆ ಮುತ್ತಿನ ಸ್ಪರ್ಧೆ ಏರ್ಪಡಿಸಿರುವುದು ವಿಶೇಷವಾಗಿತ್ತು.
