ಪ್ರಶ್ನೆ ಪತ್ರಿಕೆ ಸೋರಿಕೆ: ತನಿಖೆ ಆರಂಭಿಸಿದ ಸೇನಾಧಿಕಾರಿಗಳು, ದೇಶಾದ್ಯಂತ ಪರೀಕ್ಷೆ ರದ್ದು

ಥಾಣೆ: ಸೇನಾ ನೇಮಕಾತಿ ಪ್ರಶ್ನೆ ಪತ್ರಿಕೆ ಸೋರಿಕೆ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಭಾರತೀಯ ಸೇನೆ ಆಂತರಿಕ ವಿಚಾರಣೆ ಆರಂಭಿಸಿದೆ.

ಸೋರಿಕೆಯನ್ನು ದೃಢಪಡಿಸಿರುವ ಸೇನಾ ಮೂಲಗಳು, ದೇಶಾದ್ಯಂತ ಸೇನಾ ನೇಮಕಾತಿ ಪರೀಕ್ಷೆಯನ್ನು ರದ್ದುಗೊಳಿಸಿದೆ. ದೃಢೀಕರಣ ಮತ್ತು ಪರಿಶೀಲನೆಗೆ ಮೂಲ ಪತ್ರಿಕೆಯನ್ನು ಒದಗಿಸಿವೆ.

ನ್ಯಾಯಸಮ್ಮತವಾಗಿ ಪರೀಕ್ಷೆ ನಡೆಸುವಂತೆ ಪೊಲೀಸರಿಗೆ ಮತ್ತು ಜಾಗೃತ ದಳಕ್ಕೆ ತಿಳಿಸಿರುವುದಾಗಿ ಸೇನಾಧಿಕಾರಿಗಳು ತಿಳಿಸಿದ್ದಾರೆ.