ಆಡಿಟ್ ಬ್ಯೂರೊ ಆಫ್ ಸರ್ಕ್ಯುಲೇಷನ್ಸ್ ನ ಅಂಕಿ-ಅಂಶಗಳ ಪ್ರಕಾರ, 2006 ರಲ್ಲಿ 3.91 ಕೋಟಿಯಷ್ಟಿದ್ದ ಪ್ರತಿ ದಿನದ ಪತ್ರಿಕೆಗಳ ಸರಾಸರಿ ಮಾರಾಟ, 2016 ರಲ್ಲಿ 6.28 ಕೋಟಿಗೆ ಏರಿಕೆಯಾಗಿದೆ. ಪ್ರತಿ ಆರು ತಿಂಗಳಿಗೊಮ್ಮೆ ಪತ್ರಿಕೆಗಳ ಮಾರಾಟದ ಬಗ್ಗೆ ಅಂಕಿ-ಅಂಶಗಳನ್ನು ಎಬಿಸಿ ಬಿಡುಗಡೆ ಮಾಡುತ್ತದೆ. ಎಬಿಸಿ ಅಂಕಿ-ಅಂಶಗಳ ಪ್ರಕಾರ ಭಾರತದಲ್ಲಿ ಮುದ್ರಿತ ಪತ್ರಿಕೆಗಳ ಮಾರಾಟ ಅತ್ಯುತ್ತಮವಾಗಿ ಬೆಳವಣಿಗೆಯಾಗುತ್ತಿದ್ದು, ಕಳೆದ 10 ವರ್ಷಗಳಲ್ಲಿ ಸಿಎಜಿಆರ್ ಶೇ.4.87 ರಷ್ಟು ಬೆಳವಣಿಗೆಯಾಗಿದೆ ಎಂದು ಹೇಳಲಾಗುತ್ತಿದೆ.