ನವದೆಹಲಿ: ಏರ್ ಇಂಡಿಯಾ ಕಳೆದ ಹಣಕಾಸು ವರ್ಷದಲ್ಲಿ 105 ಕೋಟಿ ನಿರ್ವಹಣಾ ಲಾಭ ಆಗಿದೆ ಎಂದು ಹೇಳಿಕೊಂಡಿತ್ತು. ಆದರೆ ಆಗಿದ್ದು ನಿರ್ವಹಣಾ ಲಾಭ ಬದಲಿಗೆ 321.4 ಕೋಟಿ ನಿರ್ವಹಣಾ ನಷ್ಟವಾಗಿದೆ ಎಂದು ಪರಮೋಚ್ಛ ಲೆಕ್ಕಪತ್ರ ಪರಿಶೋಧ(ಸಿಎಜಿ) ಹೇಳಿದೆ.
ಸಿಎಜಿ ಕಾರ್ಯಾಲಯದ ಉನ್ನತ ಅಧಿಕಾರಿಗಳು ಏರ್ ಇಂಡಿಯಾ ಸಂಸ್ಥೆ ಈ ವಿಷಯದಲ್ಲಿ ಯಾವುದೇ ರೀತಿಯ ಅಂಕಿ ಸಂಖ್ಯೆಗಳನ್ನು ತಿರುಚಿಲ್ಲ, ಆದರೂ ಅದು ನೈಜ ನಷ್ಟವನ್ನು ಕಡಿಮೆ ಪ್ರಮಾಣದಲ್ಲಿ ವರದಿ ಮಾಡಿದೆ ಎಂದು ಹೇಳಿದ್ದಾರೆ.
ಏರ್ ಇಂಡಿಯಾ ಇನ್ನು ತೆರಿಗೆ ಪಾವತಿದಾರರ ಹಣದಲ್ಲೇ ಕಾರ್ಯನಿರತವಾಗಿದೆ. ದಶಕಕ್ಕೂ ಮೀರಿದ ಅವಧಿಯಲ್ಲಿ ಇದೇ ಮೊದಲ ಬಾರಿಗೆ 2015-16ರಲ್ಲಿ 105 ಕೋಟಿ ರುಪಾಯಿ ನಿರ್ವಹಣಾ ಲಾಭ ಮಾಡಿದೆ ಎಂದು ವರದಿ ಮಾಡಿತ್ತು.
