ಇತ್ತೀಚಿನ ದಿನಗಳಲ್ಲಿ ಪಾಕಿಸ್ತಾನದಿಂದ ಕದನ ವಿರಾಮ ಉಲ್ಲಂಘನೆ ಪ್ರಕರಣ ಗಣನೀಯ ಪ್ರಮಾಣದಲ್ಲಿ ಹೆಚ್ಚಾಗತ್ತಿದ್ದು, ಆಗಸ್ಟ್ 1 ರವರೆಗೂ ಪಾಕಿಸ್ತಾನ ಬರೊಬ್ಬರಿ 285 ಬಾರಿ ಕದನ ವಿರಾಮ ಉಲ್ಲಂಘನೆ ಮಾಡಿದೆ. ಕಳೆದ ಇಡೀ ವರ್ಷ ಪಾಕಿಸ್ತಾನ ಸೇನೆ 228 ಬಾರಿ ಕದನ ವಿರಾಮ ಉಲ್ಲಂಘನೆ ಮಾಡಿತ್ತು. ಆದರೆ ಈ ಬಾರಿ ಆಗಸ್ಟ್ ತಿಂಗಳ ವೇಳೆ ಬರೊಬ್ಬರಿ 285 ಬಾರಿ ಕದನ ವಿರಾಮ ಉಲ್ಲಂಘನೆ ಮಾಡಿದೆ. ಈ ವರ್ಷ ಪಾಕಿಸ್ತಾನದ ದಾಳಿಗೆ ಒಟ್ಟು 9 ಯೋಧರು ಸಾವನ್ನಪ್ಪಿದ್ದು, 18 ಯೋಧರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಇದಲ್ಲದೆ ಪಾಕಿಸ್ತಾನ ಸೇನಾ ಬೆಂಬಲವಿರುವ ಉಗ್ರರ ಬ್ಯಾಟ್ ಪಡೆ (ಬಾರ್ಡರ್ ಆಕ್ಷನ್ ಟೀಂ) 83 ಬಾರಿ ದಾಳಿ ಮಾಡಿದ್ದು, ಈ ವೇಳೆ 3 ಯೋಧರ ಸಾವನ್ನಪ್ಪಿ, 13 ಮಂದಿ ಗಾಯಗೊಂಡಿದ್ದಾರೆ.
