ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಎಸ್.ಎಂ. ಖೇಮ್ಕರ್ ಅವರು, 'ಚಿತ್ರಮಂದಿರಗಳ ಒಳಗೆ ಮಾರಾಟ ಮಾಡಲಾಗುವ ತಿಂಡಿ ಹಾಗೂ ನೀರಿನ ಬಾಟಲ್ಗಳ ಬೆಲೆ ನಿಜವಾಗಿಯೂ ಮಿತಿಮೀರಿದೆ. ಈ ಅನುಭವ ಸ್ವತಃ ನಮಗೂ ಆಗಿದೆ. ಅವುಗಳನ್ನು ನೀವು (ಮಲ್ಟಿಫ್ಲೆಕ್ಸ್ಗಳು) ನಿಗದಿತ ದರದಲ್ಲೇ ಮಾರಾಟ ಮಾಡಬೇಕು. ಅಂತೆಯೇ ಈ ಸಂಬಂಧ ಪರಿಸ್ಥಿತಿಯನ್ನು ಸೂಕ್ತ ರೀತಿಯಲ್ಲಿ ನಿಭಾಯಿಸುವಂತೆ ಮಹರಾಷ್ಟ್ರ ಸರ್ಕಾರಕ್ಕೆ ನಿರ್ದೇಶನ ನೀಡಿದ್ದಾರೆ. ಏತನ್ಮಧ್ಯೆ, ಬೆಲೆಯ ಮೇಲೆ ನಿಯಂತ್ರಣ ಹೇರಲು ಆರು ವಾರಗಳೊಳಗೆ 'ಬೆಲೆ ನೀತಿ' ರೂಪಿಸುವುದಾಗಿ ಮಹಾರಾಷ್ಟ್ರ ಸರ್ಕಾರ ತಿಳಿಸಿದೆ.