ಅವಿಶ್ವಾಸ ನಿರ್ಣಯ; ಕಡಿಮೆ ಸಮಯಕ್ಕೆ ಆಕ್ಷೇಪ, ಸದನದಿಂದ ಹೊರನಡೆದ ಬಿಜೆಡಿ

ನವದೆಹಲಿ; ಕೇಂದ್ರದ ಪ್ರಧಾನಮಂತ್ರಿ ಮೋದಿ ನೇತೃತ್ವದ ಅವಿಶ್ವಾಯ ನಿರ್ಣಯ ಮಂಡನೆ ಕುರಿತಂತೆ ಲೋಕಸಭೆಯಲ್ಲಿ ಶುಕ್ರವಾರ ಚರ್ಚೆ ಆರಂಭಗೊಂಡಿದ್ದು, ವಿಶ್ವಾಸ ಮತಯಾಚನೆಗೆ ವಿರೋಧ ಪಕ್ಷಗಳಿಗೆ ಕಡಿಮೆ ಸಮಯ ನೀಡುವುದಕ್ಕೆ ಆಕ್ಷೇಪ ವ್ಯಕ್ತಪಡಿಸಿರುವ ಬಿಜು ಜನತಾ ದಳ (ಬಿಜೆಡಿ) ಪಕ್ಷ ಸದನದಿಂದ ಹೊರ ನಡೆದಿದೆ. 

ಕಲಾಪ ಆರಂಭವಾಗುತ್ತಿದ್ದಂತೆಯೇ ಮಾತನಾಡಿದ ಮಲ್ಲಿಕಾರ್ಜುನ ಖರ್ಗೆ, ಕಡಿಮೆ ಸಮಯ ನೀಡುವುದಕ್ಕೆ ತೀವ್ರ ಆಕ್ರೋಶ ವ್ಯಕ್ತಪಡಿಸಿದರು. ಈ ವೇಳೆ ಬಿಜೆಡಿ ಸಂಸದರೂ ಕೂಡ ಆಕ್ಷೇಪ ವ್ಯಕ್ತಪಡಿಸಿ, ಅವಿಶ್ವಾಸ ನಿರ್ಣಯ ಕುರಿತ ಚರ್ಚೆಯಲ್ಲಿ ಪಾಲ್ಗೊಳ್ಳುವುದಿಲ್ಲ ಎಂದು ಹೇಳಿ ಸದನದಿಂದ ಹೊರನಡೆದರು. 

ಬಿಜೆಪಿ ಪಕ್ಷ 19 ಸದಸ್ಯರು ಸದನದಿಂದ ಹೊರ ನಡೆದ ಹಿನ್ನಲೆಯಲ್ಲಿ ಸದನದ ಒಟ್ಟು ಸಂಖ್ಯಾಬಲ 514ಕ್ಕೆ ಕುಸಿತ ಕಂಡಿದ್ದು, ಮ್ಯಾಜಿಕ್ ನಂಬಕ್ 258ಕ್ಕೆ ಕುಸಿತವಾಗಿದೆ.