ತಿರುಪತಿಗೆ 1 ಕೋಟಿ ರೂ. ದೇಣಿಗೆ ನೀಡಿದ ಹೆಚ್ ಸಿಎಲ್ ಮುಖ್ಯಸ್ಥ ಶಿವನಾಡರ್

ಆಂಧ್ರಪ್ರದೇಶ: ದೇಶದ   ದೈತ್ಯ  ಸಾಪ್ಟ್ ವೇರ್ ಕಂಪನಿಗಳಲ್ಲಿ ಒಂದಾದ  ಹೆಚ್  ಸಿಎಲ್   ಮುಖ್ಯಸ್ಥ ಶಿವನಾಡರ್ ತಿರುಪತಿಯ  ವೆಂಕಟೇಶ್ವರ  ದೇವಾಲಯಕ್ಕೆ 1 ಕೋಟಿ ರೂಪಾಯಿಗಳ ದೇಣಿಗೆ ನೀಡಿದ್ದಾರೆ.

 ನಿನ್ನೆ ಸಂಜೆ ದೇವಾಲಯಕ್ಕೆ ಆಗಮಿಸಿದ ಶಿವನಾಡರ್  ಪೂಜೆ ಸಲ್ಲಿಸಿದ ಬಳಿಕ ,  1 ಕೋಟಿ ರೂಪಾಯಿಯ ಡಿಡಿಯನ್ನು ದೇವಾಲಯದ ಆಡಳಿತ ಮಂಡಳಿ ಅಧಿಕಾರಿಗಳಿಗೆ ನೀಡಿದ್ದಾರೆ ಎಂದು  ಟಿಟಿಡಿ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಟಿ. ರವಿ ಹೇಳಿದ್ದಾರೆ.

ತಿರುಪತಿಯಲ್ಲಿರುವ ದಿವ್ಯಾಂಗರ ಟ್ರಸ್ಟ್ ಹಾಗೂ ಆಸ್ಪತ್ರೆಗಳಿಗೆ ದೇಣಿಗೆ ಹಣ ಬಳಸಿಕೊಳ್ಳುವಂತೆ  ಶಿವನಾಡರ್  ತಿಳಿಸಿದ್ದಾರೆ ಎಂದು  ಟಿ. ರವಿ ತಿಳಿಸಿದ್ದಾರೆ.