ಕೊಚ್ಚಿ: ದೇವಸ್ಥಾನದ ಕೊಳಕ್ಕೆ ಬಿದ್ದ ಶಾಲಾ ವಾಹನ, ಇಬ್ಬರು ಮಕ್ಕಳು, ಸಹಾಯಕಿ ಸಾವು

ಕೊಚ್ಚಿ: ಶಾಲಾ ವಾಹನವೊಂದು ಚಾಲಕನ ನಿಯಂತ್ರಣ ತಪ್ಪಿ ದೇವಸ್ಥಾನದ ಕೊಳಕ್ಕೆ ಬಿದ್ದ ಪರಿಣಾಮ ಇಬ್ಬರು ಮಕ್ಕಳು ಹಾಗೂ ಸಹಾಯಕ ಮೃತಪಟ್ಟ ದಾರುಣ ಘಟನೆ ಕೊಚ್ಚಿ ಸಮೀಪದ ಮರುಡುನಲ್ಲಿ ಸೋಮವಾರ ನಡೆದಿದೆ.

ಅಪಘಾತಕ್ಕಿಡಾದ ಶಾಲಾ ವಾಹನದಲ್ಲಿ ಒಟ್ಟು 8 ವಿದ್ಯಾರ್ಥಿಗಳಿದ್ದರು. ಈ ಪೈಕಿ ಆರು ವಿದ್ಯಾರ್ಥಿಗಳನ್ನು ರಕ್ಷಿಸಲಾಗಿದೆ.

ಮೃತರು, ಸಹಾಯಕಿ ಲತಾ ಉನ್ನಿ ಹಾಗೂ ವಿದ್ಯಾರ್ಥಿಗಳಾದ ಆದಿತ್ಯಾಯನ್ ಮತ್ತು ವೈದ್ಯಲಕ್ಷ್ಮಿ ಎಂದು ಗುರುತಿಸಲಾಗಿದೆ.

ವಾಹನದ ಚಾಲಕ ಸಹ ಗಂಭೀರವಾಗಿ ಗಾಯಗೊಂಡಿದ್ದು, ಆತನನ್ನು ಮರಡು ಆಸ್ಪತ್ರೆಗೆ ದಾಖಲಿಸಲಾಗಿದೆ.