ಮೇಡಮ್ ಟ್ಯುಸಾಡ್ಸ್ ನಲ್ಲಿ ಮೊದಲ ಬಾರಿಗೆ ಯೋಗ ಗುರುಗಳ ಮೇಣದ ಪ್ರತಿಮೆ!

ಖ್ಯಾತ ಯೋಗಗುರು ಬಾಬಾ ರಾಮದೇವ್ ಅವರ ಮೇಣದ ಪ್ರತಿಮೆಯನ್ನು ಲಂಡನ್ನ ಪ್ರತಿಷ್ಠಿತ ಮೇಡಮ್ ಟುಸ್ಸಾಡ್ಸ್ ಮೇಣದ ಸಂಗ್ರಹಾಲಯದಲ್ಲಿ ನಿರ್ಮಿಸಲಾಗಿದೆ.

ಮೇಡಮ್ ಟುಸ್ಸಾಡ್ಸ್ ಮೇಣದ ಸಂಗ್ರಹಾಲಯದಲ್ಲಿ ಬಾಬಾ ರಾಮ್ ದೇವ್ ಪ್ರತಿಮೆ

ನವದೆಹಲಿ: ಖ್ಯಾತ ಯೋಗಗುರು ಬಾಬಾ ರಾಮದೇವ್ ಅವರ ಮೇಣದ ಪ್ರತಿಮೆಯನ್ನು ಲಂಡನ್ನ ಪ್ರತಿಷ್ಠಿತ ಮೇಡಮ್ ಟುಸ್ಸಾಡ್ಸ್ ಮೇಣದ ಸಂಗ್ರಹಾಲಯದಲ್ಲಿ ನಿರ್ಮಿಸಲಾಗಿದೆ.

ಆ ಮೂಲಕ ಲಂಡನ್ ಪ್ರತಿಷ್ಠಿತ ಮೇಡಮ್ ಟುಸ್ಸಾಡ್ಸ್ ಮೇಣದ ಸಂಗ್ರಹಾಲಯದಲ್ಲಿ ಭಾರತ ಮೂಲದ ಯೋಗಿ ಯೊಬ್ಬರ ಮೇಣದ ಪ್ರತಿಮೆಯನ್ನು ಇದೇ ಮೊದಲ ಬಾರಿಗೆ ನಿರ್ಮಾಣ ಮಾಡಲಾಗಿದೆ. ಈ ಮೂಲಕ ಮೊಟ್ಟ ಮೊದಲ ಬಾರಿಗೆ ಯೋಗಿಯೊಬ್ಬರ ಮೇಣದ ಪ್ರತಿಮೆಯ ಗರಿಮೆಗೆ ರಾಮ್ದೇವ್ ಪಾತ್ರರಾಗಿದ್ದಾರೆ.

ಇತ್ತೀಚೆಗಷ್ಟೇ ರಾಮ್ದೇವ್ ಅವರು ಲಂಡನ್ಗೆ ತೆರಳಿದ್ದಾಗ ಅವರ ಸಂಪೂರ್ಣ ಅಳತೆಯನ್ನು ಸಂಗ್ರಹಾಲಯದಲ್ಲಿ ತೆಗೆದುಕೊಳ್ಳಲಾಗಿತ್ತು. ಇದೀಗ ನಿರ್ಮಾಣವಾಗಿರುವ ಪ್ರತಿಮೆ ಬಗ್ಗೆ ಟ್ವೀಟ್ ಮಾಡಿರುವ ಬಾಬಾ ರಾಮ್ದೇವ್ ಅವರು ಜಗತ್ತಿನಾದ್ಯಂತ ಎಲ್ಲರನ್ನೂ ಆರೋಗ್ಯದಾಯಕ ಜೀವನಶೈಲಿ ಯೋಗದ ಕಡೆಗೆ ಕರೆದೊಯ್ಯಲು ಈ ಪ್ರತಿಮೆ ಸ್ಫೂರ್ತಿದಾಯಕವಾಗಿರುತ್ತದೆ ಎಂದು ತಮ್ಮ ಟ್ವಿಟರ್ ಖಾತೆಯಲ್ಲಿ ಟ್ವೀಟ್ ಮಾಡಿದ್ದಾರೆ.

ಕೆಲವು ತಿಂಗಳುಗಳ ಹಿಂದೆಯೇ ಸಂಗ್ರಹಾಲಯದ ಅಧಿಕಾರಿಗಳಿಂದ ರಾಮ್ದೇವ್ ಅವರ ಪ್ರತಿಮೆ ನಿರ್ಮಿಸಲು ವಿನಂತಿಸಿಕೊಂಡಿದ್ದರು. ನಂತರ ಅವರನ್ನು ಹಲವು ಪ್ರಸ್ತಾಪಗಳೊಂದಿಗೆ ಮನವೊಲಿಸಲಾಯಿತು ಎಂದು ಪತಂಜಲಿ ಆಡಳಿತಮೂಲ ತಿಳಿಸಿದೆ.

ಸಂಗ್ರಹಾಲಯದಲ್ಲಿರುವ ಹೆಸರಾಂತ ವ್ಯಕ್ತಿಗಳ ಪ್ರತಿಮೆಯ ಸಾಲಿಗೆ ರಾಮ್ದೇವ್ ಅವರು ಸೇರಿದ್ದು, ಈಗಾಗಲೇ ಸಂಗ್ರಹಾಲಯದಲ್ಲಿ ಭಾರತದ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ರಾಜಕೀಯ, ಕ್ರೀಡೆ, ಸಿನಿಮಾ ಮುಂತಾದ ವಿಭಾಗಗಳಲ್ಲಿ ಹೆಸರು ಮಾಡಿದ ವ್ಯಕ್ತಿಗಳ ಪ್ರತಿಮೆಯನ್ನು ನಿರ್ಮಿಸಲಾಗಿದೆ. ಆದರೆ, ಇದೇ ಮೊದಲ ಬಾರಿಗೆ ಯೋಗಿಯೊಬ್ಬರ ಮೇಣದ ಪ್ರತಿಮೆಯನ್ನು ನಿರ್ಮಿಸಲಾಗಿದೆ.

First time the statue of a Yogi be installed at @MadameTussauds museum. This will further add to the glory of the science of Yoga and will motivate people across the globe to adopt a Yogic lifestyle pic.twitter.com/Sg4F5lFSEY
— Swami Ramdev (@yogrishiramdev) June 25, 2018

मैडम तुसाद म्यूजियम में वृक्षासन की सूरत व मूरत में ऐसे दिखेंगे@yogrishiramdev @MadameTussauds studio today, a dedicated team of 20 experts took impressions, measurements & matching of eyes, ears, skull & posture by colour, size and recorded details for making wax statue@ANI pic.twitter.com/o28zqW0nmf
— tijarawala sk (@tijarawala) June 25, 2018