ಗ್ರೂಪ್ ನಲ್ಲಿರುವ ವಿದ್ಯಾರ್ಥಿಗಳ ಪೋಷಕರು ಹೇಳಿಕೆ ನೀಡಿದ್ದು, ಸೋರಿಕೆಯಾದ ಪ್ರಶ್ನೆಪತ್ರಿಕೆಗಳಿಗೆ ಹಣ ನೀಡಿದ್ದೆವು ಎಂದು ಹೇಳಿದ್ದಾರೆ.
ರೂ.100 ರಿಂದ ರೂ.10,000ವರೆಗೂ ಹಣವನ್ನು ನೀಡಲಾಗಿದೆ. ಪೋಷಕರ ಹೇಳಿಕೆಗಳನ್ನು ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ಎಸ್ಐಟಿ ಹಿರಿಯ ಅದಿಕಾರಿ ಹೇಳಿದ್ದಾರೆ.
ಇದಲ್ಲದೆ, ದೆಹಲಿ ಅಪರಾಧ ವಿಭಾಗ ಪೊಲೀಸರು ಗೂಗಲ್ ಮೊರೆ ಹೋಗಿದ್ದು, ಕೈಬರಹದ ಪ್ರಶ್ನೆಪತ್ರಿಕೆಯ ಫೋಟೋವನ್ನು ಸಿಬಿಎಸ್ಇ ಮುಖ್ಯಸ್ಥರಿಗೆ ಕಳುಹಿಸಿದ it.deven532@gmail.com ಇಮೇಲ್ ಕುರಿತ ಮಾಹಿತಿಗಳನ್ನು ನೀಡುವಂತೆ ಮನವಿ ಮಾಡಿಕೊಂಡಿದ್ದಾರೆಂದು ತಿಳಿದುಬಂದಿದೆ.
ವ್ಯಕ್ತಿ ಮಾಡಿರುವ ಇಮೇಲ್ ನಲ್ಲಿ ಒಟ್ಟು ಕೈಬರಹ ಪ್ರಶ್ನೆಪತ್ರಿಕೆಯ ಒಟ್ಟು 12 ಫೋಟೋಗಳಿದ್ದು, ಈ ಫೋಟೋಗಳು ವಾಟ್ಸ್ ಆ್ಯಪ್ ನಲ್ಲಿ ಸೋರಿಕೆಯಾಗಿದೆ. ಇಮೇಲ್ ಕಳುಹಿಸಿದ ಸ್ಥಳ ಹಾಗೂ ಇಮೇಲ್'ನ್ನು ಯಾವಾರ ತೆರೆಯಲಾಗಿತ್ತು ಎಂಬೆಲ್ಲಾ ಇತರೆ ಮಾಹಿತಿಗಳನ್ನು ನೀಡುವಂದೆ ಈಗಾಗಲೇ ಗೂಗಲ್ ಬಳಿ ಮನವಿ ಮಾಡಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರಶ್ನೆಪತ್ರಿಕೆ ಸೋರಿಕೆ ಪ್ರಕರಣ ಕುರಿತಂತೆ ಸಿಬಿಎಸ್ಇ ನೀಡಿದ ದೂರಿನ ಅನ್ವಯ ದೆಹಲಿ ಪೊಲೀಸರು ಮಾರ್ಚ್ 27 ಹಾಗೂ 28 ರಂದು ಪ್ರತ್ಯೇಕ ಪ್ರಕರಣಗಳನ್ನು ದಾಖಲಿಸಿಕೊಂಡಿದ್ದು, ತನಿಖೆ ಆರಂಭಿಸಿದ್ದಾರೆ.