ರೂ.10 ಲಕ್ಷ ನೀಡದಿದ್ದರೆ ಇಡೀ ಕುಟುಂಬ ಸರ್ವನಾಶ; ಬಿಜೆಪಿ ಶಾಸಕಿಗೆ ದುಬೈ ಡಾನ್ ಬೆದರಿಕೆ, ಎಫ್ಐಆರ್ ದಾಖಲು

ಬುಲಾಂದ್'ಶಹರ್; ರೂ.10 ಲಕ್ಷ ನೀಡದಿದ್ದರೆ ಇಡೀ ಕುಟುಂಬವನ್ನು ಸರ್ವನಾಶ ಮಾಡಿಬಿಡುತ್ತೇನೆಂದು ದುಬೈನಲ್ಲಿರುವ ಡಾನ್ ಒಬ್ಬ ಬಿಜೆಪಿ ಶಾಸಕಿಯೊಬ್ಬರಿಗೆ ಬೆದರಿಕೆ ಹಾಕುತ್ತಿದ್ದು, ಈ ಕುರಿತು ಉತ್ತರಪ್ರದೇಶ ಪೊಲೀಸರು ಎಫ್ಐಆರ್ ದಾಖಲು ಮಾಡಿಕೊಂಡಿದ್ದಾರೆ. 

ಉತ್ತರಪ್ರದೇಶ ಬಿಜೆಪಿ ಶಾಸಕಿ ಡಾ.ಲೋಧಿ ರಜಪೂತ್ ಅವರಿಗೆ ದುಬೈ ಮೂಲದ ಡಾನ್ ಎಂದು ಹೇಳಲಾಗುತ್ತಿರುವ ಅಲಿ ಬುದೇಶ್ ಭಾಯ್ ಎಂಬಾತ ಬೆದರಿಗೆ ಹಾಕುತ್ತಿದ್ದು, ರೂ.10 ಲಕ್ಷ ನೀಡದಿದ್ದರೆ ನಿಮ್ಮ ಇಡೀ ಕುಟುಂಬವನ್ನು ನಾಶ ಮಾಡುತ್ತೇನೆಂದು ವಾಟ್ಸ್ ಆ್ಯಪ್ ಮೂಲಕ ಸಂದೇಶ ಕಳುಹಿಸುತ್ತಿದ್ದಾನೆಂದು ತಿಳಿದುಬಂದಿದೆ. 

ಪದೇ ಪದೇ ಬೆದರಿಕೆ ಬರುತ್ತಿರುವ ಹಿನ್ನಲೆಯಲ್ಲಿ ಶಾಸಕಿ ಅನಿತಾ ಅವರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿರುವ ಪೊಲೀಸರು ಇದೀಗ ತನಿಖೆ ಆರಂಭಿಸಿದ್ದಾರೆ.