ಜಮ್ಮುಕಾಶ್ಮೀರ: ಲೈಂಗಿಕ ಹಗರಣದಲ್ಲಿ ಇಬ್ಬರು ಪೊಲೀಸ್ ಅಧಿಕಾರಿಗಳು ಸೇರಿ ಐವರು ದೋಷಿ

ಜಮ್ಮು-ಕಾಶ್ಮೀರ: 2006ರಲ್ಲಿ ಇಲ್ಲಿ ನಡೆದ ಲೈಂಗಿಕ ಹಗರಣದಲ್ಲಿ   ಬಿಎಸ್ ಎಫ್ ಮಾಜಿ ಡಿಐಜಿ, ಡಿಎಸ್ ಪಿ ಸೇರಿದಂತೆ ಐವರು ಆರೋಪಿಗಳು ದೋಷಿಗಳೆಂದು ಚಂಡೀಘರ್ ನ ವಿಶೇಷ ಸಿಬಿಐ ನ್ಯಾಯಾಲಯ ಇಂದು ಹೇಳಿದೆ.

ಹೆಚ್ಚುವರಿ  ಅಡ್ವೊಕೆಟ್ ಜನರಲ್ ಸೇರಿ  ಇಬ್ಬರನ್ನು  ಪ್ರಕರಣದಿಂದ  ಖುಲಾಸೆಗೊಳಿಸಿ  ಸಿಬಿಐ ವಿಶೇಷ ನ್ಯಾಯಾಲಯದ ನ್ಯಾಯಾಧೀಶ ಗಗನ್ ಗೀತ್ ಕೌರ್ ತೀರ್ಪು ನೀಡಿದ್ದಾರೆ.

ಆರೋಪಿಗಳಿಗೆ ಶಿಕ್ಷೆಯ ಪ್ರಮಾಣ  ಜೂನ್ 4 ರಂದು ಪ್ರಕಟಗೊಳ್ಳಲಿದೆ.   2006ರಲ್ಲಿ  ಅಪ್ರಾಪ್ತ ಬಾಲಕಿ ಮೇಲಿನ ಲೈಂಗಿಕ ಹಗರಣ ಭಾರೀ ಸುದ್ದಿಯಾಗಿತ್ತು.ಜಮ್ಮು-ಕಾಶ್ಮೀರ ಪೊಲೀಸರು  ವಶಪಡಿಸಿಕೊಂಡಿದ್ದ ಎರಡು ಸಿಡಿಗಳಲ್ಲಿ  ಅಪ್ರಾಪ್ತ ವಯಸ್ಸಿನ ಬಾಲಕಿಯನ್ನು ಲೈಂಗಿಕವಾಗಿ ಬಳಸಿಕೊಂಡಿರುವುದು ಸೆರೆಯಾಗಿತ್ತು.