ಎಟಿಎಸ್ ಕಾರ್ಯಾಚರಣೆ: ಹನಿಟ್ರ್ಯಾಪ್‌ಗಾಗಿ ಐಎಸ್ಐ ಫೇಸ್ ಬುಕ್ ಬಳಸಿ ದುಷ್ಕೃತ್ಯ ಬಹಿರಂಗ!

ಫೇಸ್ ಬುಕ್ ಖಾತೆಗಳ ಮೂಲಕ ಹನಿ ಟ್ರ್ಯಾಪ್ ಮಾಡುವ ಐಎಸ್ಐ ಕಾರ್ಯವಿಧಾನವನ್ನು ಉತ್ತರ ಪ್ರದೇಶ ಭಯೋತ್ಪಾದನೆ ನಿಗ್ರಹ ದಳ (ಎಟಿಎಸ್) ಐಎಸ್ಐ ನಿರ್ವಹಣೆ ಮಾಡುತ್ತಿರುವ 13 ಪಾಕಿಸ್ತಾನಿ ಫೇಸ್ ಬುಕ್ ಖಾತೆಗಳು ಹಾಗೂ ಅವುಗಳಿಗೆ ಸಂಬಂಧಪಟ್ಟ ಒಟ್ಟು 1,100 ಫೇಸ್ ಬುಕ್ ಖಾತೆಗಳ ಮೇಲೆ ಸಂಪೂರ್ಣ ನಿಗಾ ಇರಿಸಿದೆ. 

ಬ್ರಹ್ಮೋಸ್ ಏರೋಸ್ಪೇಸ್ ಪ್ರೈ.ಲಿ ನ ಇಂಜಿನಿಯರ್ ನಿಶಾಂತ್ ಅಗರ್ವಾಲ್ ಹಾಗೂ ಬಿಎಸ್ಎಫ್ ನ ಅಚ್ಯುತಾನಂದ್ ಮಿಶ್ರಾ ಅವರ ಬಂಧನದ ನಂತರ 13 ಪಾಕಿಸ್ತಾನಿ ಫೇಸ್ ಬುಕ್ ಖಾತೆ ಹಾಗೂ ಅದರಲ್ಲಿನ ಅನುಮಾನಾಸ್ಪದ 1,100 ಖಾತೆಗಳ ಬಗ್ಗೆ ಮಾಹಿತಿ ಪಡೆದಿದ್ದು, ಅವೆಲ್ಲವೂ ಹನಿ ಟ್ರ್ಯಾಪ್ ಗಾಗಿ ದುರ್ಬಳಕೆಯಾಗುತ್ತಿದ್ದವು ಎಂದು ಉತ್ತರ ಪ್ರದೇಶ ಎಟಿಎಸ್ ಐಜಿ ಅಸೀಮ್ ಅರುಣ್ ಹೇಳಿದ್ದಾರೆ. 

ಅನುಮಾನಾಸ್ಪದ ಪ್ರೊಫೈಲ್ ಗಳು ಹಾಗೂ ಅದರಲ್ಲಿರುವ ಸ್ನೇಹಿತರ ಪಟ್ಟಿಯಲ್ಲಿನ ಅನುಮಾನಾಸ್ಪದ ಪ್ರೊಫೈಲ್ ಗಳ ಪರೀಕ್ಷೆ ಈಗಾಗಲೇ ನಡೆಯುತ್ತಿದೆ. ಭಾರತದ ರಕ್ಷಣಾ ಕ್ಷೇತ್ರದಲ್ಲಿ ಕಾರ್ಯನಿರ್ವಹಣೆ ಮಾಡುತ್ತಿರುವವರ್ಯಾದರೂ ಆ ಅನುಮಾನಾಸ್ಪದ ಖಾತೆಗಳೊಂದಿಗೆ ಸ್ನೇಹಿತರಾಗಿದ್ದಾರಾ? ಆಗಿದ್ದರೆ ಸೂಕ್ಷ್ಮ ಮಾಹಿತಿಗಳನ್ನು ಹಂಚಿಕೊಂಡಿದ್ದಾರಾ ಎಂಬುದನ್ನು ಪರಿಶೀಲನೆ ನಡೆಸಲಾಗುತ್ತದೆ ಎಂದು ಅರುಣ್ ವಿವರಿಸಿದ್ದಾರೆ.