ಮಧ್ಯಪ್ರದೇಶ: ಪ್ರತಿಪಕ್ಷಗಳು ಮೋದಿ ಭಯದಿಂದ ನರಳುತ್ತಿವೆ ಎಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ಹೇಳಿದ್ದಾರೆ.
ನರಸಿಂಗ್ ಪುರದಲ್ಲಿಂದು ಚುನಾವಣಾ ಪ್ರಚಾರ ಸಭೆಯನ್ನುದ್ದೇಶಿಸಿ ಮಾತನಾಡಿದ ಅವರು, ನೆಹರು-ಗಾಂಧಿಯ ಕುಟುಂಬದ ನಾಲ್ಕು ಕುಟುಂಬಗಳ ಆಡಳಿತದ ಸಂದರ್ಭದಲ್ಲಿ ದೇಶಕ್ಕಾಗಿ ಏನು ಮಾಡಿದ್ದಾರೆ ಎಂಬುದನ್ನು ಕಾಂಗ್ರೆಸ್ ಲೆಕ್ಕ ಕೊಡಲಿ ಎಂದರು.
ಪ್ರತಿಪಕ್ಷಗಳು ನರೇಂದ್ರ ಮೋದಿ ಭಯದಿಂದ ನರಳುತ್ತಿವೆ. ಮೋದಿ ಅವರನ್ನು ಪ್ರಧಾನಿ ಹುದ್ದೆಯಿಂದ ತೆಗೆಯಲು ಕಾಯುತ್ತಿದ್ದಾರೆ. ಆದರೆ.ನಾವು ದೇಶದಲ್ಲಿನ ಬಡತನ, ಅಭದ್ರತೆ, ಮತ್ತು ವಾಯುಮಾಲಿನ್ಯ ಸೇರಿದಂತೆ ಮತ್ತಿತರ ಸಮಸ್ಯೆಗಳನ್ನು ನಿರ್ಮೂಲನೆ ಮಾಡುವುದಾಗಿ ಹೇಳಿದರು.
ಮೋದಿ ಸರ್ಕಾರ ಕಳೆದ ನಾಲ್ಕುವರ್ಷಗಳಲ್ಲಿ 129 ಅಭಿವೃದ್ಧಿ ಯೋಜನೆಗಳನ್ನು ಜಾರಿಗೊಳಿಸಿದೆ ಎಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರು ತಿಳಿಸಿದರು.
