ಈಶಾನ್ಯದಲ್ಲಿ ಬಿಜೆಪಿಗೆ ಮತ್ತೊಂದು ಅಘಾತ: ಬಿಜೆಪಿ ತೊರೆದ ಮಾಜಿ ಸಿಎಂ ಅಪಾಂಗ್: ಕಾರಣ ಏನು ಗೊತ್ತೇ?

ಅರುಣಾಚಲ ಪ್ರದೇಶ: ಅಸ್ಸಾಂ ನಂತರ ಈಶಾನ್ಯ ರಾಜ್ಯ ಅರುಣಾಚಲ ಪ್ರದೇಶದಲ್ಲಿ ಬಿಜೆಪಿಗೆ ಮತ್ತೊಂದು ಹಿನ್ನಡೆಯುಂಟಾಗಿದ್ದು, ಬಿಜೆಪಿಯಲ್ಲಿದ್ದ ಮಾಜಿ ಸಿಎಂ ಗೆಗಾಂಗ್ ಅಪಾಂಗ್ ಪಕ್ಷ ತೊರೆದಿದ್ದಾರೆ. 

ಈಗಿನ ಬಿಜೆಪಿಯನ್ನು ನೋಡಲು ನನಗೆ ಬೇಸರವಾಗುತ್ತಿದೆ. ಈಗಿನ ಬಿಜೆಪಿ ಮಾಜಿ ಪ್ರಧಾನಿ ವಾಜಪೇಯಿ ಅವರ ಸಿದ್ಧಾಂತಗಳನ್ನು ಪಾಲಿಸುತ್ತಿಲ್ಲ ಎಂದು ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾ ಅವರಿಗೆ ಸಲ್ಲಿಸಿದ ರಾಜೀನಾಮೆ ಪತ್ರದಲ್ಲಿ ತಿಳಿಸಿದ್ದಾರೆ. ಬಿಜೆಪಿ ಈಗ ಅಧಿಕಾರ ಹಿಡಿಯುವ ವೇದಿಕೆಯಾಗಿದೆ. ವಿಕೇಂದ್ರೀಕರಣ ಹಾಗೂ ಪ್ರಜಾಪ್ರಭುತ್ವದ ಪರ ನಿರ್ಧಾರಗಳನ್ನು ಕೈಗೊಳ್ಳುವುದನ್ನ ಇಷ್ಟಪಡದ ನಾಯಕತ್ವವಾಗಿ ಬಿಜೆಪಿ ಬೆಳೆಯುತ್ತಿದೆ. 

2014 ರಲ್ಲಿ ಅರುಣಾಚಲ ಪ್ರದೇಶದಲ್ಲಿ ಬಿಜೆಪಿಗೆ ಜನಾದೇಶ ಸಿಗಲಿಲ್ಲ. ಆದರೂ ಸಹ ತಂತ್ರಗಾರಿಕೆ ಬಳಸಿ ತನ್ನ ಸರ್ಕಾರ ಸ್ಥಾಪಿಸಿತು ಎಂದು ಗೆಗಾಂಗ್ ಅಪಾಂಗ್ ಬೇಸರ ವ್ಯಕ್ತಪಡಿಸಿದ್ದಾರೆ.