ಕಳೆದ ಬಾರಿ 1,600 ಹೆಕ್ಟೇರ್ ಪ್ರದೇಶದಲ್ಲಿ ವ್ಯಾಪಿಸಿದ್ದ ಕುಂಭಮೇಳ ಈ ವರ್ಷ 3,200 ಹೆಕ್ಟೇರ್ ಗೆ ತಲುಪಿದೆ. ಮೇಳದ ಸುತ್ತಲಿನ ಪ್ರದೇಶದಲ್ಲಿ 250 ಕಿ.ಮೀ ಉದ್ದದ ರಸ್ತೆ ಹಾಗೂ 22 ಪಾಂಟೂನ್ ಸೇತುವೆಗಳನ್ನು (ನೀರಿನ ಮೇಲೆ ತೇಲುವ ಸೇತುವೆ) ನಿರ್ಮಿಸಿದ್ದು, ಬೃಹತ್ ತಾತ್ಕಾಲಿಕ ನಗರವೇ ನಿರ್ಮಾಣ ಮಾಡಿದಂತಿದೆ. ಈ ಮಿನಿ ನಗರದಲ್ಲಿ 4,000 ಟೆಂಟ್, 40 ಸಾವಿರ ಎಲ್ಇಡಿ ದೀಪಗಳನ್ನು ಅಳವಡಿಸಲಾಗಿದೆ. ಮೇಳಕ್ಕೆ ಬರುವ ಯಾತ್ರಿಗಳ ಅನುಕೂಲಕ್ಕಾಗಿ ನೂರಾರು ವಿಶೇಷ ರೈಲುಗಳು ಸಂಚಾರಿಸುತ್ತಿವೆ. ಇದರಿಂದಲೂ ರೈಲ್ವೇ ಇಲಾಖೆಗೆ ಸಾಕಷ್ಟು ಆದಾಯ ಬರುತ್ತಿದೆ.ಜೊತೆಗೆ ಅಲಹಬಾದ್ ನಲ್ಲಿ ಹೊಸ ಏರ್ ಪೋರ್ಟ್ ಒಂದನ್ನು ನಿರ್ಮಿಸಲಾಗಿದೆ. ಈ ಎಲ್ಲ ಸೌಕರ್ಯಗಳು ಕುಂಭಮೇಳದ ವೈಭವ ಹಾಗೂ ಆದಾಯವನ್ನು ಹೆಚ್ಚಿಸಿವೆ ಎನ್ನಲಾಗಿದೆ.