ಬಿಹಾರ: ಪಾಟ್ನಾದಲ್ಲಿ ರಾಮನ ಅವತಾರದ ರಾಹುಲ್ ಗಾಂಧಿ ಪೋಸ್ಟರ್!

ಪಾಟ್ನಾ : ತಿಂಗಳ ಹಿಂದೆ ಶಿವಭಕ್ತ ಎಂದು ಕರೆಸಿಕೊಂಡಿದ್ದ ರಾಹುಲ್ ಗಾಂಧಿ ಈಗ ಒಂದು ಹೆಜ್ಜೆ ಮುಂದೆ ಸಾಗಿದ್ದು, ಶ್ರೀರಾಮನ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಬಿಹಾರದ ಪಾಟ್ನಾದಲ್ಲಿ ಹಾಕಿರುವ ಪೋಸ್ಟರ್ ವೊಂದರಲ್ಲಿ ಹೀಗೆ ರಾಮನ ಅವತಾರದಲ್ಲಿ ರಾಹುಲ್ ಗಾಂಧಿ ಪೋಸ್ ನೀಡಿದ್ದಾರೆ.

ಕಾಂಗ್ರೆಸ್ ಕಾರ್ಯಕರ್ತ ವಿಜಯ್ ಕುಮಾರ್ ಸಿಂಗ್ ಎಂಬವರು ಈ ರೀತಿಯ ಪೋಸ್ಟರ್ ಹಾಕಿದ್ದಾರೆ.  

ಈ ಕುರಿತಂತೆ ಪ್ರತಿಕ್ರಿಯಿಸಿರುವ ವಿಜಯ್ ಕುಮಾರ್ ಸಿಂಗ್,  ರಾಹುಲ್ ಗಾಂಧಿ ಶ್ರೀರಾಮನ ಎಲ್ಲಾ ಗುಣಗಳನ್ನು ಹೊಂದಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ರಾಮನ ಹೆಸರಿನಲ್ಲಿ  ರಾಜಕೀಯ ಮಾಡಿದಂತೆ ರಾಹುಲ್ ಗಾಂಧಿ ಮಾಡುವುದಿಲ್ಲ.ದೇಶದ ಅಭಿವೃದ್ಧಿಗಾಗಿ ಹಲವು ವರ್ಷಗಳ ಕಾಲ ಕಾಂಗ್ರೆಸ್ ಶ್ರಮಿಸಿದೆ. ಎಲ್ಲಾ ಪ್ರಮುಖವಾದ ಕ್ರಾಂತಿಗಳು ಹಾಗೂ ಯೋಜನೆಗಳು  ಕಾಂಗ್ರೆಸ್  ಆಡಳಿತಾವಧಿಯಲ್ಲಿಯೇ ಜಾರಿಗೆ ಬಂದಿವೆ ಎಂದರು.