ಹೈದರಾಬಾದ್: ಹೈದರಾಬಾದ್ ಹೊರ ವಲಯದ ಬಂದ್ಲಗೂಡಾದಲ್ಲಿ ಖಾಸಗಿ ಪಾರ್ಕ್ ವೊಂದರಲ್ಲಿ ಆಟವಾಡುತ್ತಿದ್ದ ಆರು ವರ್ಷದ ಮಗು ವಿದ್ಯುತ್ ಕಂಬ ಹಿಡಿದು ಮೃತಪಟ್ಟಿರುವ ಘಟನೆ ನಡೆದಿದೆ.
ಈ ಪಾರ್ಕ್ ಅನ್ನು ಬಿಲ್ಡರ್ ನಿರ್ಮಿಸಿದ್ದು ಅಕ್ಕ ಪಕ್ಕದಲ್ಲಿದ್ದ ಅಪಾರ್ಟ್ ಮೆಂಟ್ ನಿವಾಸಿಗಳು ನಿತ್ಯ ಇಲ್ಲಿಗೆ ವಾಯು ವಿಹಾರಕ್ಕಾಗಿ ಆಗಮಿಸುತ್ತಿದ್ದರು. ಅದೇ ರೀತಿ ಇಂದು ಬೆಳಗ್ಗೆ ಮಗುವೊಂದು ತನ್ನ ಪೋಷಕರೊಂದಿಗೆ ಆಗಮಿಸಿ ಆಟವಾಡುತ್ತಿದ್ದ ವೇಳೆ ಈ ಅವಘಡ ಸಂಭವಿಸಿದೆ.
ಈ ಘಟನೆಯ ಸಂಪೂರ್ಣ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು ಬಿಲ್ಡರ್ ನ ನಿರ್ಲಕ್ಷ್ಯವೇ ಇದಕ್ಕೆ ಕಾರಣ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
