ಮೋದಿ ಸರ್ಕಾರ ಮತ್ತೊಮ್ಮೆ ಅಧಿಕಾರಕ್ಕೆ ಬಂದ ನಂತರ ನಿನ್ನೆ ನಡೆದ ಮಂತ್ರಿ ಪರಿಷತ್ತಿನ ಮೊದಲ ಸಭೆಯಲ್ಲಿ ಸಚಿವರಿಗೆ ಪ್ರಧಾನಿ ನರೇಂದ್ರ ಮೋದಿ ಕೆಲವು ಖಡಕ್ ಸೂಚನೆಗಳನ್ನು ನೀಡಿದ್ದಾರೆ. ಬೆಳಿಗ್ಗೆ 9.30ರೊಳಗೆ ಕಚೇರಿಗೆ ತಪ್ಪದೇ ಹಾಜರಾಗಿರಬೇಕು. ಮನೆಯಿಂದ ಮತ್ತು ಇತರ ಸ್ಥಳಗಳಲ್ಲಿ ಕೂತು ಕಾರ್ಯನಿರ್ವಹಿಸಬೇಡಿ, ನೀವು ಮಾಡುವ ಕೆಲಸಗಳಿಂದ ಬೇರೆಯವರಿಗೆ ಮಾದರಿಯಾಗಿರಿ ಎಂದು ಕಿವಿಮಾತು ಹೇಳಿದ್ದಾರೆ. ಅಲ್ಲದೆ 40 ದಿನಗಳ ಸಂಸತ್ತು ಕಲಾಪದ ವೇಳೆ ಸಂಸದರು ಯಾವುದೇ ಬೇರೆ ವ್ಯವಹಾರ, ಭೇಟಿ, ಹೊರಗಡೆ ಹೋಗುವ ಕೆಲಸ ಇಟ್ಟುಕೊಳ್ಳಬೇಡಿ, ಸಂಸತ್ತು ಕಲಾಪಕ್ಕೆ ಪ್ರತಿದಿನ ಹಾಜರಾಗಿ ಎಂದು ಹೇಳಿದ್ದಾರೆ.