ಜಮ್ಮು-ಕಾಶ್ಮೀರ: ನಾಲ್ವರು ನಾಯಕರು ಗೃಹ ಬಂಧನದಿಂದ ಬಿಡುಗಡೆ 

ಶ್ರೀನಗರ: ಜಮ್ಮು-ಕಾಶ್ಮೀರದಲ್ಲಿ ನಾಲ್ವರು ನಾಯಕರನ್ನು ಗೃಹ ಬಂಧನದಿಂದ ಬಿಡುಗಡೆ ಮಾಡಲಾಗಿದೆ. 

ಆರ್ಟಿಕಲ್ 370 ರದ್ದತಿ ಹಿನ್ನೆಲೆಯಲ್ಲಿ ಕಳೆದ ವರ್ಷ ಆ.೦5 ರಿಂದ ಈ ನಾಲ್ವರು ನಾಯಕರು ಗೃಹ ಬಂಧನದಲ್ಲಿದ್ದರು. ನ್ಯಾಷನಲ್ ಕಾನ್ಫರೆನ್ಸ್ ನ ನಾಜಿರ್ ಗುರೇಜಿ, ಪಿಡಿಪಿಯ ಅಬ್ದುಲ್ ಹಕ್ ಖಾನ್, ಪೀಪಲ್ಸ್ ಕಾನ್ಫರೆನ್ಸ್ ನ ಮೊಹಮ್ಮದ್ ಅಬ್ಬಾಸ್ ವನಿ, ಕಾಂಗ್ರೆಸ್ ನ ಅಬ್ದುಲ್ ರಶೀದ್ ಅವರುಗಳನ್ನು ಜ.17 ರಂದು ಬಿಡುಗಡೆ ಮಾಡಲಾಗಿತ್ತು. 

ಇದಕ್ಕೂ ಮುನ್ನ ಗೃಹ ಬಂಧನದಲ್ಲಿದ್ದ ಜಮ್ಮು-ಕಾಶ್ಮೀರದ ಐವರು ರಾಜಕೀಯ ನಾಯಕರನ್ನು ಬಿಡುಗಡೆ ಮಾಡಲಾಗಿತ್ತು. ಜ.10 ರಂದು ಜಮ್ಮು-ಕಾಶ್ಮೀರದ ಆಡಳಿತ, ಗೃಹ ಬಂಧನಕ್ಕೊಳಗಾದ 26 ಜನರ ಬಂಧನ ವಾರೆಂಟ್ ಗಳನ್ನು ಹಿಂಪಡೆಯಲಾಗಿದೆ.