ಚುನಾವಣಾ ಪ್ರಚಾರದ ನಡುವೆಯೇ ಮಗುವಿಗೆ ಜನ್ಮ ನೀಡಿದ ಜೆಡಿಯು ಅಭ್ಯರ್ಥಿ 

ಬಿಹಾರ ವಿಧಾನಸಭಾ ಚುನಾವಣೆಯ ಪ್ರಚಾರದಲ್ಲಿ ತೊಡಗಿದ್ದ ವೇಳೆಯಲ್ಲೇ ಜೆಡಿಯು ಅಭ್ಯರ್ಥಿ ಪ್ರಸವಿಸಿದ್ದಾರೆ.

ಜಗದೀಶ್ ಪುರದ ವಿಧಾನಸಭಾ ಕ್ಷೇತ್ರದಿಂದ ಜೆಡಿಯು ಅಭ್ಯರ್ಥಿಯಾಗಿರುವ ಸುಶುಮ್ಲತಾ ಕುಶ್ವಾಹ ಹೆಣ್ಣು ಮಗುವಿಗೆ ಜನ್ಮ ನೀಡಿರುವ ಮಹಿಳೆಯಾಗಿದ್ದಾರೆ. 

ಚುನಾವಣಾ ಪ್ರಚಾರದ ವೇಳೆ ಮಗುವಿಗೆ ಜನ್ಮ ನೀಡಿದ ಅಭ್ಯರ್ಥಿಗೆ ಸಿಎಂ ನಿತೀಶ್ ಕುಮಾರ್ ಶುಭ ಹಾರೈಸಿದ್ದಾರೆ. ಕುಶ್ವಾಹ ಅವರು ಪಾಟ್ನಾದ ಆಸ್ಪತ್ರೆಯಲ್ಲಿದ್ದು ಮುಖ್ಯಮಂತ್ರಿಗಳ ಸಭೆಯಲ್ಲಿ ಭಾಗವಹಿಸಲು ಸಾಧ್ಯವಾಗಿಲ್ಲ. 

2012 ರಲ್ಲಿ ವಿವಾಹವಾಗಿದ್ದ ಸುಶುಮ್ಲತಾ ಕುಶ್ವಾಹಗೆ ಈಗಾಗಲೇ 7 ವರ್ಷದ ಮಗಳು ಇದ್ದಾಳೆ. ಕುಶ್ವಾಹ ತಮ್ಮ ಗ್ರಾಮ ಪಂಚಾಯತ್ ನ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸಿದ ಅನುಭವ ಹೊಂದಿದ್ದಾರೆ.