ಭಯಾನಕ ವಿಡಿಯೋ: ಗೂಳಿ ಗುದಿದ್ದ ರಭಸಕ್ಕೆ ಕೂದಲೆಳೆ ಅಂತರದಿಂದ ಪಾರಾದ ಅಜ್ಜಿ, ಮೊಮ್ಮಗ!

ಹರಿಯಾಣ: ರಸ್ತೆಯಲ್ಲಿ ನಡೆದು ಬರುತ್ತಿದ್ದ ವೃದ್ಧ ಮಹಿಳೆ ಮೇಲೆ ಗೂಳಿಯೊಂದು ಗುದಿದ್ದೆ. ಇದರಿಂದಾಗಿ ಮನೆಯೊಂದರ ಗೇಟಿನ ಮುಂಭಾಗ ಆ ಮಹಿಳೆ ಬಿದ್ದಿದ್ದಾರೆ. ಇದನ್ನು ನೋಡಿದ ಮೊಮ್ಮಗ ತನ್ನ ಅಜ್ಜಿಯನ್ನು ರಕ್ಷಿಸಲು ಓಡೋಡಿ ಬರುವಾಗ ಆತನಿಗೂ ಗುದ್ದಿರುವ ಗೂಳಿ, ತನ್ನ ಕಾಲಿನಲ್ಲಿ ಮನಬಂದಂತೆ ತುಳಿದಿದೆ.

ನಂತರ, ಮನೆಯ ಗೇಟ್ ಮುಂಭಾಗ ಬಿದ್ದಿದ್ದ ಅಜ್ಜಿಯನ್ನು ಮೇಲಕ್ಕೆ ಎತ್ತು ಕರೆದೊಯ್ಯುತ್ತಿದ್ದ ಮೊಮ್ಮಗ ನ ಮೇಲೆ ಮತ್ತೆ ಗೂಳಿ ಎರಗಿದೆ.ಇದರಿಂದಾಗಿ ಇಬ್ಬರು ಕೆಳಗೆ ಬಿದ್ದಿದ್ದಾರೆ. ಗೂಳಿಯ ಹುಚ್ಚಾಟವನ್ನು ನೋಡಿದ ನೆರೆಹೊರೆಯವರು ದೊಣ್ಣೆಯ ಮೂಲಕ ಗೂಳಿಗೆ ಹೊಡೆದಿದ್ದಾರೆ.

ಗೂಳಿಯಿಂದಾಗಿ ಮೂವರು ಗಾಯಗೊಂಡಿದ್ದು, ಮೊಮ್ಮಗ ತನ್ನ ಅಜ್ಜಿಯನ್ನು ರಕ್ಷಿಸಿರುವುದಾಗಿ ಎಎನ್ ಐ ಸುದ್ದಿಸಂಸ್ಥೆ ವರದಿ ಮಾಡಿದೆ.