ಈ ವರೆಗೆ 15 ಕೋಟಿ ಮಂದಿಗೆ ಕೋವಿಡ್-19 ಲಸಿಕೆ: ಆರೋಗ್ಯ ಸಚಿವಾಲಯ

ನವದೆಹಲಿ: ದೇಶಾದ್ಯಂತ ಈ ವರೆಗೂ 15 ಕೋಟಿ ಮಂದಿಗೆ ಕೋವಿಡ್-19 ಲಸಿಕೆಯನ್ನು ನೀಡಲಾಗಿದೆ ಎಂದು ಕೇಂದ್ರ ಆರೋಗ್ಯ ಹಾಗೂ ಕುಟುಂಬ ಕಲ್ಯಾಣ ಸಚಿವಾಲಯ ಹೇಳಿದೆ. 

ಏ.29 ರಂದು ಬೆಳಿಗ್ಗೆ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ 22,07,065  ಸೆಷನ್ ಗಳಲ್ಲಿ 15,00,20,648 ಲಸಿಕೆ ಡೋಸ್ ಗಳನ್ನು ನೀಡಲಾಗಿದೆ. 

ಈ ಪೈಕಿ 93,67,520 ಆರೋಗ್ಯ ಕಾರ್ಯಕರ್ತರು ಮೊದಲ ಡೋಸ್ ಗಳನ್ನು ಪಡೆದಿದ್ದರೆ 61,47,918  ಮಂದಿ ಆರೋಗ್ಯ ಕಾರ್ಯಕರ್ತರು ಎರಡೂ ಡೋಸ್ ಗಳನ್ನು ಪಡೆದಿದ್ದಾರೆ. 1,23,19,903 ಮುನ್ನೆಲೆ ಕಾರ್ಯಕರ್ತರು ಮೊದಲ ಡೋಸ್ ನ್ನು ಪಡೆದಿದ್ದರೆ, 66,12,789 ಮಂದಿ ಎರಡನೇ ಡೋಸ್ ನ್ನು ಪಡೆದಿದ್ದಾರೆ. 

60 ವರ್ಷದ ಮೇಲ್ಪಟ್ಟ 5,14,99,834 ಮಂದಿಗೆ ಮೊದಲ ಡೋಸ್ ನೀಡಲಾಗಿದ್ದರೆ, ಎರಡೂ ಡೋಸ್ ಗಳನ್ನು ಇದೇ ವಿಭಾಗದ 98,92,380 ಮಂದಿ ಸ್ವೀಕರಿಸಿದ್ದಾರೆ. 45-60 ವರ್ಷದವರೆಗಿನ 5,10,24,886 ಮಂದಿಗೆ ಮೊದಲ ಡೋಸ್ ನೀಡಲಾಗಿದ್ದರೆ ಎರಡೂ ಡೋಸ್ ಗಳನ್ನು 31,55,418 ಮಂದಿಗೆ ನೀಡಲಾಗಿದೆ. 

10 ರಾಜ್ಯಗಳಿಂದ ನಡೆದಿರುವ ಲಸಿಕೆ ಅಭಿಯಾನ ದೇಶದ ಶೇ.67.18 ರಷ್ಟು ಲಸಿಕೆ ಅಭಿಯಾನದ ಪಾಲನ್ನು ಹೊಂದಿದ್ದು,  ಕಳೆದ 24 ಗಂಟೆಗಳಲ್ಲಿ 21 ಲಕ್ಷ ಡೋಸ್ ಗಳಷ್ಟು ಲಸಿಕೆಯನ್ನು ನೀಡಲಾಗಿದೆ.