ಮೊದಲ ದಿನ ಮುಂಬೈ ನಲ್ಲಿ 18-44 ವಯಸ್ಸಿನ 1 ಸಾವಿರ ಮಂದಿಗೆ ಲಸಿಕೆ 

ಮುಂಬೈ: 18-44 ವಯಸ್ಸಿನ ಮಂದಿಗೆ ಕೋವಿಡ್-19 ಲಸಿಕೆ ಅಭಿಯಾನ ಪ್ರಾರಂಭವಾದ ದಿನ ಮುಂಬೈ ನಲ್ಲಿ ಈ ವಿಭಾಗದ 1 ಸಾವಿರ ಮಂದಿಗೆ ಲಸಿಕೆ ನೀಡಲಾಗಿದೆ. 

ಬೃಹತ್ ಮುಂಬೈ ನಗರಸಭೆ ಕಾರ್ಪೊರೇಷನ್ ಅಧಿಕಾರಿ ಈ ಬಗ್ಗೆ ಮಾಹಿತಿ ನೀಡಿದ್ದು, ಮೇ.02 ರಂದು 18-44 ವಯಸ್ಸಿನ ವಿಭಾಗದ 2,500 ಮಂದಿಗೆ ಲಸಿಕೆ ನೀಡುವ ಗುರಿ ಹೊಂದಲಾಗಿದೆ ಎಂದು ಹೇಳಿದ್ದಾರೆ. 

"ಪ್ರತಿ ಲಸಿಕೆ ಕೇಂದ್ರಗಳಲ್ಲಿ 18-44 ವಯಸ್ಸಿನ 200 ಮಂದಿಗೆ ಲಸಿಕೆ ನೀಡುವ ಗುರಿ ಹೊಂದಲಾಗಿತ್ತು. ಇಂದು ಗುರಿಯನ್ನು ತಲುಪಲಾಗಿದೆ"ಎಂದು ಹೆಚ್ಚುವರಿ ಆಯುಕ್ತ ಸುರೇಶ್ ಹೇಳಿದ್ದಾರೆ. 18-44 ವಯಸ್ಸಿನವರಿಗೆ ಲಸಿಕೆ ನೀಡುವುದಕ್ಕೆ ಬಿಎಂಸಿ 5 ಕೇಂದ್ರಗಳನ್ನು ಸ್ಥಾಪಿಸಿದೆ.