ಪಾಟ್ನ: ಪಾಕ್ ಮೂಲದ, ಅಮೇರಿಕಾ ಪಾಸ್ ಪೋರ್ಟ್ ಹೊಂದಿದ್ದ ಮಹಿಳೆಯನ್ನು ಬಿಹಾರದ ಪೊಲೀಸರು ಬಂಧಿಸಿದ್ದಾರೆ.
ಬಿಹಾರದ ಮೂಲಕ ಈಕೆ ನೇಪಾಳಕ್ಕೆ ನುಸುಳಲು ಯತ್ನಿಸುತ್ತಿದ್ದಾಗ ಈಕೆಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಕಿಶನ್ ಗಂಜ್ ನ ಎಸ್ ಪಿ ಇನಾಮ್ ಉಲ್ ಹಕ್ ನೀಡಿರುವ ಮಾಹಿತಿಯ ಪ್ರಕಾರ, ಸೂಕ್ತ ದಾಖಲಾತಿಗಳಿಲ್ಲದೇ ಈ ಮಹಿಳೆ ನೆರೆ ರಾಷ್ಟ್ರಕ್ಕೆ ನುಸುಳಲು ಯತ್ನಿಸುತ್ತಿದ್ದರು.
ಅಮೇರಿಕಾ ಪಾಸ್ ಪೋರ್ಟ್ ನ ಪ್ರಕಾರ ಈ ಮಹಿಳೆಯ ಹೆಸರು ಫರೀದಾ ಮಲ್ಲೀಕ್ ಆಗಿದ್ದು, ಕ್ಯಾಲಿಫೋರ್ನಿಯಾ ನಿವಾಸಿಯಾಗಿದ್ದಾರೆ. ಹೆಚ್ಚಿನ ವಿಚಾರಣೆಯಲ್ಲಿ ಈಕೆ ಪಾಕಿಸ್ತಾನದಲ್ಲಿ ಜನಿಸಿದ ಮಹಿಳೆ ಎಂಬುದು ತಿಳಿದುಬಂದಿದ್ದು ಆ ನಂತರ ಅಮೇರಿಕಾ ಪಾಸ್ ಪೋರ್ಟ್ ಪಡೆದಿದ್ದಾರೆ.
Advertisement