ಸ್ವಪಕ್ಷದ ಸರ್ಕಾರದ ವಿರುದ್ಧವೇ ಚಾಟಿ: ಸಂಸದ ವರುಣ್ ಗಾಂಧಿಗೆ ಕೈ ತಪ್ಪಲಿದ್ಯಾ ಬಿಜೆಪಿ ಲೋಕಸಭೆ ಟಿಕೆಟ್ ?

ನವದೆಹಲಿ: ರೈತರ ಸಂಕಷ್ಟ, ನಿರುದ್ಯೋಗ, ಬೆಲೆಏರಿಕೆ ಸೇರಿದಂತೆ ಹಲವಾರು ವಿಷಯಗಳಲ್ಲಿ ವರುಣ್ ಗಾಂಧಿ ತನ್ನದೇ ಪಕ್ಷದ ಸರ್ಕಾರದ ಪ್ರಬಲ ವಿರೋಧಿಗಳಲ್ಲಿ ಒಬ್ಬರಾಗಿ ಹೊರಹೊಮ್ಮಿರುವುದರಿಂದ 2024 ರ ಲೋಕಸಭೆ ಚುನಾವಣೆಯಲ್ಲಿ ಪಕ್ಷವು ತನ್ನ ಪಿಲಿಭಿತ್ ಸಂಸದ ವರುಣ್ ಗಾಂಧಿಗೆ ಟಿಕೆಟ್ ನಿರಾಕರಿಸಬಹುದು ಎಂದು ಹೇಳಲಾಗುತ್ತಿದೆ.

ವರುಣ್ ಬಿಜೆಪಿಯಿಂದ ಲೋಕಸಭೆ ಚುನಾವಣೆಗೆ ಸ್ಪರ್ಧಿಸುತ್ತಾರಾ ಅಥವಾ 2024 ರ ಚುನಾವಣೆಗೆ ಪೂರ್ವಭಾವಿಯಾಗಿ ರಾಜಕೀಯ ಬದಲಾವಣೆಯನ್ನು ಆಲೋಚಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದಾಗ್ಯೂ, ಪಿಲಿಭಿತ್ ಸಂಸದರು ಈ ಬಗ್ಗೆ ಎಲ್ಲಿಯೂ ಯಾವುದೇ ಮಾಹಿತಿ ನೀಡಿಲ್ಲ ಬಗ್ಗೆ ಎಂದಿಗೂ ಸುಳಿವು ನೀಡಲಿಲ್ಲ, ಇದು ಅವರ ಭವಿಷ್ಯದ ನಡೆಗಳ ಬಗ್ಗೆ ಊಹಾಪೋಹಗಳಿಗೆ ಕಾರಣವಾಗಿದೆ.

ಇದನ್ನೂ ಓದಿ:  ಗಾಂಧಿ ಕುಟುಂಬಕ್ಕೆ ದೇಶದಲ್ಲಿ ಪ್ರತ್ಯೇಕ ಕಾನೂನಿದೆ ಎಂದು ಕಾಂಗ್ರೆಸ್ ನಂಬಿದೆ: ರಾಹುಲ್ ವಿರುದ್ಧ ಸ್ಮೃತಿ ಇರಾನಿ ವಾಗ್ದಾಳಿ

2009 ರಲ್ಲಿ ಪಿಲಿಭಿತ್ ಲೋಕಸಭಾ ಕ್ಷೇತ್ರದಲ್ಲಿ ಸ್ಪರ್ಧಿಸಿ ಭಾರೀ ಅಂತರದಿಂದ ಗೆಲ್ಲುವ ಮೂಲಕ ಚುನಾವಣಾ ರಾಜಕೀಯಕ್ಕೆ ಧುಮುಕಿದ್ದರು. ಆಗ ಪಿಲಿಭಿತ್ ಅವರ ತಾಯಿ ಮೇನಕಾ ಗಾಂಧಿ ಅವರ ಕ್ಷೇತ್ರವಾಗಿತ್ತು. ಈಗ ಅವರು ಮಧ್ಯ ಯುಪಿಯ ಸುಲ್ತಾನ್‌ಪುರದಿಂದ ಸಂಸದರಾಗಿದ್ದಾರೆ.

2024 ರಲ್ಲಿ ಪಿಲಿಭಿತ್‌ನಿಂದ ವರುಣ್‌ಗೆ ಟಿಕೆಟ್ ನಿರ್ಧರಿಸುವ ಮೊದಲು ಪಕ್ಷವು ಎರಡು ಬಾರಿ ಯೋಚಿಸಬಹುದು ಎಂದು ಮೂಲಗಳು ತಿಳಿಸಿವೆ. ಅವರ ಸ್ಥಾನದಲ್ಲಿ, ಒಬಿಸಿ ಮತ್ತು ಪಿಲಿಭಿತ್ ಸಿಟಿ ಅಸೆಂಬ್ಲಿ ಭಾಗದಿಂದ ಎರಡು ಬಾರಿ ಶಾಸಕರಾಗಿರುವ ಸಂಜಯ್ ಸಿಂಗ್ ಗಂಗ್ವಾರ್ ಅವರಿಗೆ ಪಕ್ಷವು ಆದ್ಯತೆ ನೀಡಬಹುದು.

2014 ರಿಂದ ಬಿಜೆಪಿಯನ್ನು ಅಗಾಧವಾಗಿ ಬೆಂಬಲಿಸುತ್ತಿರುವ ಒಬಿಸಿಗಳಿಗೆ ಸಕಾರಾತ್ಮಕ ಸಂದೇಶವನ್ನು ರವಾನಿಸಲು ಇದು ಪಕ್ಷಕ್ಕೆ ಸಹಾಯ ಮಾಡುತ್ತದೆ ಎಂದು ಬಿಜೆಪಿಯ ಹಿರಿಯ ನಾಯಕರೊಬ್ಬರು ಹೇಳುತ್ತಾರೆ.

ಇದನ್ನೂ ಓದಿ: ಗಾಂಧಿ ಕುಟುಂಬವು ತನ್ನನ್ನು ತಾನು 'ಗಣ್ಯ' ಮತ್ತು ಸಂವಿಧಾನಕ್ಕಿಂತ ಮೇಲಿದೆ ಎಂದು ಪರಿಗಣಿಸಿದೆ: ಗಜೇಂದ್ರ ಸಿಂಗ್ ಶೇಖಾವತ್

ಬಿಜೆಪಿಯು ತೇರಾಯ್ ಮತ್ತು ಬರೇಲಿ ಪ್ರದೇಶಗಳಲ್ಲಿ ಮತ್ತೊಬ್ಬ ಒಬಿಸಿ ನಾಯಕನನ್ನು ಬೆಳೆಸಬೇಕಾಗಿದೆ ಎಂದು ರಾಜಕೀಯ ವೀಕ್ಷಕರು ಅಭಿಪ್ರಾಯ ಪಟ್ಟಿದ್ದಾರೆ.  74 ವರ್ಷ ವಯಸ್ಸಿನ ಸಂತೋಷ್ ಗಂಗ್ವಾರ್ ಬರೇಲಿ ಪ್ರದೇಶದಲ್ಲಿ ಪ್ರಾಬಲ್ಯ ನಾಯಕರಾಗಿದ್ದಾರೆ. 1989 ರಿಂದ 2019 ರವರೆಗೆ ಎಂಟು ಬಾರಿ ಲೋಕಸಭೆಯಲ್ಲಿ ಸ್ಥಾನವನ್ನು ಪ್ರತಿನಿಧಿಸಿದ್ದಾರೆ. 2009 ರಲ್ಲಿ ಅವರು ಕಾಂಗ್ರೆಸ್ ನ ಪ್ರವೀಣ್ ಸಿಂಗ್ ಆರಾನ್ ವಿರುದ್ಧ ಕಡಿಮೆ ಅಂತರದಿಂದ ಚುನಾವಣೆಯಲ್ಲಿ ಸೋತರು.

ಪಕ್ಷವು ಬರೇಲಿ ಮತ್ತು ಪಕ್ಕದ ಕ್ಷೇತ್ರಗಳಲ್ಲಿ ಸಂತೋಷ್ ಗಂಗ್ವಾರ್ ಅವರ ವರ್ಚಸ್ಸು ಮತ್ತು ಜನಪ್ರಿಯತೆಗೆ ಸರಿಸಾಟಿಯಾಗುವ ಮತ್ತೊಬ್ಬ OBC ನಾಯಕನನ್ನು ಹುಡುಕುತ್ತಿದೆ" ಎಂದು ಬಿಜೆಪಿಯ ಹಿರಿಯ ನಾಯಕರೊಬ್ಬರು ತಿಳಸಿದ್ದಾರೆ.

ಇದನ್ನೂ ಓದಿ: ಗಾಂಧಿ ಕುಟುಂಬವಿಲ್ಲದೆ ಮೊದಲ ಬಾರಿಗೆ ಕಾಂಗ್ರೆಸ್‌ ಮಹಾಧಿವೇಶನ: ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆಗೆ ಸಂಪೂರ್ಣ ಸ್ವಾತಂತ್ರ್ಯ

ಸಂಸದ ವರುಣ್ ಗಾಂಧಿ  ಇತ್ತೀಚಿನ ದಿನಗಳಲ್ಲಿ ಸಮಸ್ಯೆಗಳ ಬಗ್ಗೆ ತಮ್ಮ ಭಿನ್ನಾಭಿಪ್ರಾಯವನ್ನು ವ್ಯಕ್ತಪಡಿಸುವಲ್ಲಿ ಸಾಕಷ್ಟು ಧ್ವನಿಯಾಗಿದ್ದರು.  ಆದರೆ ಅವರ ವಿರೋಧಗಳ ಬಗ್ಗೆ ಪಕ್ಷವು ಮೌನ ವಹಿಸಿದೆ.ಪಕ್ಷವು ಗಾಂಧಿ ವಂಶದ ವಿರುದ್ಧ ಯಾವುದೇ ಶಿಸ್ತು ಕ್ರಮವನ್ನು ಕೈಗೊಳ್ಳದಿದ್ದರೂ ಸಂಘಟನೆಯಿಂದ ಅವರನ್ನು ಬದಿಗಿಟ್ಟಿತು. ಅವರ ತಾಯಿ ಮೇನಕಾ ಗಾಂಧಿ ಅವರನ್ನು ಪಕ್ಷದ ರಾಷ್ಟ್ರೀಯ ಕಾರ್ಯಕಾರಿ ಸಮಿತಿಯಿಂದ ಕೈಬಿಡಲಾಗಿತ್ತು.