ಭಾರತೀಯ ಸೇನೆಗೆ ಒಂದು ಲಕ್ಷ 9 MM ಪಿಸ್ತೂಲ್‌ ಖರೀದಿ

ನವದೆಹಲಿ: ಶತ್ರುಗಳನ್ನು ಹತ್ತಿರದಿಂದ ಎದುರಿಸಲು ತನ್ನ ಸಿಬ್ಬಂದಿಯನ್ನು ಸಜ್ಜುಗೊಳಿಸಲು ಭಾರತೀಯ ಸೇನೆಯು ಒಂದು ಲಕ್ಷ 9-ಎಂಎಂ ಪಿಸ್ತೂಲ್‌ಗಳನ್ನು ಖರೀದಿಸುವ ಪ್ರಕ್ರಿಯೆ ಆರಂಭಿಸಿದೆ.

ಇದರ ನಂತರ ಲೈಟ್ ಮೆಷಿನ್ ಗನ್‌ಗಳು(LMGs) ಮತ್ತು ಕ್ಲೋಸ್ ಕ್ವಾರ್ಟರ್ ಬ್ಯಾಟಲ್(CQB) ಕಾರ್ಬೈನ್‌ಗಳನ್ನು ಖರೀದಿಸಲಾಗುತ್ತದೆ.

ಈ ಹೊಸ ಖರೀದಿಯು ರಕ್ಷಣಾ ವಲಯದಲ್ಲಿ 'ಮೇಕ್-ಇನ್-ಇಂಡಿಯಾ' ಮತ್ತು ಆತ್ಮನಿರ್ಭರ್ ಭಾರತ್ ಅಥವಾ ಸ್ವಾವಲಂಬನೆ ಉಪಕ್ರಮದ ಅಡಿಯಲ್ಲಿ ನಡೆಯಲಿದೆ.

ಭಾರತೀಯ ಸೇನೆಗಾಗಿ ಒಂದು ಲಕ್ಷ ಸ್ಥಳೀಯ 9-ಎಂಎಂ ಪಿಸ್ತೂಲ್‌ಗಳನ್ನು ಖರೀದಿಸಲು ರಕ್ಷಣಾ ಸಚಿವಾಲಯ(MoD) ಅಧಿಸೂಚನೆ ಹೊರಡಿಸಿದೆ.

ಇಶಾಪೋರ್‌ನ ರೈಫಲ್ ಫ್ಯಾಕ್ಟರಿಯಿಂದ ಅಸ್ತಿತ್ವದಲ್ಲಿರುವ 9mm ಸೆಮಿ-ಆಟೋಮ್ಯಾಟಿಕ್, ಮ್ಯಾಗಜೀನ್-ಫೆಡ್ ಪಿಸ್ತೂಲ್ ಅನ್ನು ಭವಿಷ್ಯದಲ್ಲಿ ಖರೀದಿಸಲಾಗುವ ಪಿಸ್ತೂಲ್‌ಗಳೊಂದಿಗೆ ಬದಲಾಯಿಸುವುದು ಈ ಯೋಜನೆಯ ಉದ್ದೇಶವಾಗಿದೆ. ಹೊಸ ಪಿಸ್ತೂಲ್‌ಗಳು ಹಳೆಯ ಶಸ್ತ್ರಾಸ್ತ್ರಗಳನ್ನು ಆಧುನೀಕರಿಸಲು ಆಂಬಿಡೆಕ್ಸ್ಟ್ರಸ್ ನಿಯಂತ್ರಣಗಳು, ಸಪ್ರೆಸರ್‌ಗಳು ಮತ್ತು ಆಕ್ಸೆಸರಿ ಟ್ರ್ಯಾಕ್ ಒಳಗೊಂಡಿರುವ ನಿರೀಕ್ಷೆಯಿದೆ.