ನವದೆಹಲಿ: ಭಾರತೀಯ ವಾಯುಸೇನೆ 93ನೇ ವಾರ್ಷಿಕೋತ್ಸವ ಆಚರಿಸಿಕೊಂಡಿದ್ದು, ಈ ನಡುವಲ್ಲೇ ಭೋಜನದ ಮೆನುವಿನ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಭಾರತ ವಾಯುದಾಳಿ ನಡೆಸಿದ ಪ್ರಮುಖ ಸ್ಥಳಗಳ ಹೆಸರನ್ನು ಖಾದ್ಯಗಳಿಗೆ ಇಡಲಾಗಿದ್ದು, ಈ ಪಾಕಿಸ್ತಾನ ಕುರಿತು ವ್ಯಂಗ್ಯ ಮಾಡಿದೆ.
ಊಟದ ಹೆಸರಿನಲ್ಲಿ ಬಾಲಕೋಟ್‌ನಿಂದ ಆಪರೇಷನ್ ಸಿಂಧೂರ ವರೆಗೂ ಭಾರತ ದಾಳಿ ಮಾಡಿದ ಸ್ಥಳಗಳ ಹೆಸರಿ ಜೊತೆಗೆ ಖಾದ್ಯಗಳ ಹೆಸರನ್ನಿಟ್ಟಿದ್ದು, ಈ ಮೆನುವಿನ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಐಎಎಫ್'ಗೆ 93 ವರ್ಷ: ದೋಷರಹಿತ, ಪ್ರಭಾವಶಾಲಿ ಮತ್ತು ನಿಖರ’ ಎಂಬ ಶೀರ್ಷಿಕೆಯಲ್ಲಿ ಮೆನುವನ್ನು ಸಿದ್ಧಪಡಿಸಲಾಗಿದ್ದು, 2019 ರ ಬಾಲಕೋಟ್ ವೈಮಾನಿಕ ದಾಳಿ ಮತ್ತು ಇತ್ತೀಚಿನ ಆಪರೇಷನ್ ಸಿಂಧೂರ ಸೇರಿದಂತೆ ಭಾರತದ ಮಿಲಿಟರಿ ಕಾರ್ಯಾಚರಣೆಗಳ ಸಮಯದಲ್ಲಿ ಗುರಿಯಾಗಿಸಿಕೊಂಡ ಪ್ರಮುಖ ಸ್ಥಳಗಳ ಹೆಸರನ್ನು ಖಾದ್ಯಗಳಿಗೆ ಇಡಲಾಗಿದೆ.
ಮೆನು ಇಂತಿದೆ...
ಮೆನುವಿನಲ್ಲಿ ರಾವಲ್ಪಿಂಡಿ ಚಿಕನ್ ಟಿಕ್ಕಾ ಮಸಾಲಾ
ರಫೀಕಿ ರಾರಾ ಮಟನ್
ಭೋಲಾರಿ ಪನೀರ್ ಮೇಥಿ ಮಲೈ
ಸುಕ್ಕೂರ್ ಶಾಮ್ ಸವೇರಾ ಕೋಫ್ತಾ
ಸರ್ಗೋಧಾ ದಾಲ್ ಮಖಾನಿ
ಜಾಕೋಬಾಬಾದ್ ಮೇವಾ ಪುಲಾವ್
ಬಹವಾಲ್ಪುರ್ ನಾನ್
ಸಿಹಿತಿಂಡಿ ವಿಭಾಗದಲ್ಲಿ...
ಬಾಲಕೋಟ್ ತಿರಮಿಸು
ಮುಜಫರಾಬಾದ್ ಕುಲ್ಫಿ ಫಲೂಡಾ
ಮುರಿಡ್ಕೆ ಮೀಠಾ ಪಾನ್
ಸದ್ಯ ಎಕ್ಸ್ ಖಾತೆಯಲ್ಲಿ ಈ ಮೆನುವಿನ ಪೋಟೋ ವೈರಲ್ ಆಗಿದ್ದು, ಪಾಕಿಸ್ತಾನವನ್ನು ರೋಸ್ಟ್ ಮಾಡಲಾಗಿದೆ.
Advertisement
