ಆದಾಯ ತೆರಿಗೆ ರಿಟರ್ನ್ (ಐಟಿಆರ್) ಗಡುವಿಗೆ ಕೆಲವೇ ದಿನಗಳು ಬಾಕಿ ಇರುವಾಗ, ಚಾರ್ಟರ್ಡ್ ಅಕೌಂಟೆಂಟ್ (ಸಿಎ) ಒಬ್ಬ ಐಐಟಿಯನ್ ಕ್ಲೈಂಟ್ ಒಬ್ಬರ ವಿಚಿತ್ರ ಕಥೆಯನ್ನು ಹಂಚಿಕೊಂಡಿದ್ದಾರೆ.
ತಮ್ಮ ಕ್ಲೈಂಟ್, ಕಾಗದದಲ್ಲಿ ಮಾತ್ರ ಶ್ರೀಮಂತರಾಗಿ ಕಾಣಿಸಿಕೊಳ್ಳುತ್ತಾರೆ. ಆದರೆ ತೀವ್ರ ಲಿಕ್ವಿಡಿಟಿ ಬಿಕ್ಕಟ್ಟನ್ನು ಎದುರಿಸುತ್ತಿದ್ದಾರೆ ಎಂದು ಸಿಎ ಹೇಳಿದ್ದಾರೆ. ಈಗ ವೈರಲ್ ಆಗಿರುವ ಎಕ್ಸ್ ಪೋಸ್ಟ್ನಲ್ಲಿ, ಸಿಎ ಪ್ರತಿಭಾ ಗೋಯಲ್, ತಾವು ಕಳೆದ ಐದು ವರ್ಷಗಳಿಂದ ವಾರ್ಷಿಕ 1 ಕೋಟಿ ರೂ. compensation ಗಳಿಸುತ್ತಿದ್ದ ಐಐಟಿ ಪದವೀಧರರೊಬ್ಬರ ಐಟಿಆರ್ ನ್ನು ಸಲ್ಲಿಸಿರುವುದಾಗಿ ಹೇಳಿಕೊಂಡಿದ್ದಾರೆ.
ಭರ್ಜರಿ ಸಂಬಳ ಪ್ಯಾಕೇಜ್ ಜೊತೆಗೆ, ಕ್ಲೈಂಟ್ ಅವರ ಹೆಸರಿನಲ್ಲಿ ಮೂರು ಮನೆಗಳಿದ್ದು, ಎರಡು ಮನೆಗಳು ನಿರ್ಮಾಣ ಹಂತದಲ್ಲಿವೆ. ಸಂಪತ್ತಿನ ಹೊರತಾಗಿಯೂ, ಕ್ಲೈಂಟ್ ಬಳಿ 15,000 ರೂ.ಗಳ ಬಾಕಿ ತೆರಿಗೆ ಹೊಣೆಗಾರಿಕೆಯನ್ನು ಪಾವತಿಸಲು ಸಾಕಷ್ಟು ನಗದು ಇಲ್ಲ ಎಂದು ಗೋಯಲ್ ಹೇಳಿದ್ದಾರೆ ಮತ್ತು ಆಗಸ್ಟ್ ವರೆಗೆ ಕಾಯುವಂತೆ ಒತ್ತಾಯಿಸಿದ್ದಾರೆ.
"ನನ್ನ ಐಐಟಿಯನ್ ಕ್ಲೈಂಟ್ ಒಬ್ಬರ ಐಟಿಆರ್ ನ್ನು ಸಲ್ಲಿಸಲಾಗಿದೆ! ಅವರು 5 ವರ್ಷಗಳಿಂದ 1 ಕೋಟಿಗಿಂತ ಹೆಚ್ಚಿನ ಪ್ಯಾಕೇಜ್ ಹೊಂದಿರುವ ಯುವಕ. 3 ಮನೆಗಳನ್ನು ಹೊಂದಿದ್ದಾರೆ, ಅದರಲ್ಲಿ 2 ಯೋಜನೆಗಳು ನಿರ್ಮಾಣ ಹಂತದಲ್ಲಿವೆ" ಎಂದು ಗೋಯಲ್ ಬರೆದಿದ್ದಾರೆ.
"ಅವರು ರೂ. 15 ಸಾವಿರ ತೆರಿಗೆ ಪಾವತಿಸಲು ನನ್ನ ಬಳಿ ಹಣವಿಲ್ಲ ಎಂದು ಹೇಳಿದರು ಮತ್ತು ಸಂಬಳ ಬಂದನಂತರ ತೆರಿಗೆ ಪಾವತಿಸಬಹುದು, ಅದಕ್ಕಾಗಿ ಆಗಸ್ಟ್ ವರೆಗೆ ಕಾಯಬೇಕೆಂದು ನನ್ನನ್ನು ಕೇಳಿದರು." ಎಂಬ ಮಾಹಿತಿಯನ್ನು ಗೋಯಲ್ ಹಂಚಿಕೊಂಡಿದ್ದಾರೆ.
ಗಡುವಿನ ನಂತರ ತೆರಿಗೆ ಪಾವತಿಸುವುದರಿಂದ ಹೆಚ್ಚಿನ ಬಡ್ಡಿ ಪಾವತಿಸಬೇಕು ಎಂದು ಗೋಯಲ್ ಒತ್ತಿ ಹೇಳಿದ್ದಾರೆ. ಹೆಚ್ಚಿನ ಬಡ್ಡಿ ಪಾವತಿಸುವ ಪರಿಸ್ಥಿತಿಯನ್ನು ತಪ್ಪಿಸಲು, ಕ್ಲೈಂಟ್ ಸಾಲ ಪಡೆದು ತೆರಿಗೆ ಪಾವತಿಸಿ ಐಟಿಆರ್ ಸಲ್ಲಿಸುವಲ್ಲಿ ಯಶಸ್ವಿಯಾದರು. ಈ ಪ್ರಕರಣ ದೇಶಕ್ಕೆ ಆರ್ಥಿಕ ಸಾಕ್ಷರತೆಯ ಅಗತ್ಯವಿದೆ ಎಂಬುದನ್ನು ತೋರಿಸುತ್ತದೆ ಎಂದು ಗೋಯಲ್ ಹೇಳಿದ್ದಾರೆ.
"ಅವರು ತೆರಿಗೆ ಪಾವತಿಸಲು ಮತ್ತು ಐಟಿಆರ್ ಸಲ್ಲಿಸಲು ಹಣವನ್ನು ಎರವಲು ಪಡೆದರು ಏಕೆಂದರೆ ಆಗಸ್ಟ್ ಎಂದರೆ ಹೆಚ್ಚಿನ ಬಡ್ಡಿ! ನಮ್ಮ ದೇಶದಲ್ಲಿ ನಮಗೆ ಆರ್ಥಿಕ ಸಾಕ್ಷರತೆಯ ಅಗತ್ಯವಿರುವ ಸಮಯ ಇದು!" ಎಂದು ಗೋಯಲ್ ಬರೆದಿದ್ದಾರೆ.
ಪೋಸ್ಟ್ ಜನಪ್ರಿಯತೆಯನ್ನು ಗಳಿಸುತ್ತಿದ್ದಂತೆ, ಕೆಲವು ಬಳಕೆದಾರರು ಹಕ್ಕುಗಳ ಸತ್ಯಾಸತ್ಯತೆಯನ್ನು ಪ್ರಶ್ನಿಸಿದರೆ, ಇತರರು ಐಐಟಿಯನ್ನರು ಸಹ ಕಳಪೆ ಆರ್ಥಿಕ ನಿರ್ಧಾರಗಳನ್ನು ತೆಗೆದುಕೊಳ್ಳಬಹುದು ಎಂದು ಹೈಲೈಟ್ ಮಾಡಿದರು.
ಈ ಪೋಸ್ಟ್ ಗೆ ಪ್ರತಿಕ್ರಿಯೆ ನೀಡಿದ ನೆಟ್ಟಿಗರೊಬ್ಬರು "ಸಂಕೀರ್ಣ ತರ್ಕವನ್ನು ನಿರ್ವಹಿಸುವಲ್ಲಿ ನಿಪುಣರಾದ ಐಐಟಿಯನ್ನರು ಆದಾಯ, ವೆಚ್ಚದ ಗಣಿತವನ್ನು ನಿರ್ವಹಿಸಲು ಸಾಧ್ಯವಿಲ್ಲ ಎಂಬುದನ್ನು ನಂಬಲು ಸಾಧ್ಯವಿಲ್ಲ" ಎಂದು ಹೇಳಿದ್ದಾರೆ.
ಮತ್ತೊಬ್ಬರು, "ನನಗೂ ಇಂತಹ ಬಹಳಷ್ಟು ಮಂದಿ ಪರಿಚಯವಿದೆ. ಅವರು ಆಸ್ತಿ ಹೊಂದಿರುವ ಶ್ರೀಮಂತರು ಆದರೆ ನಗದು ಹೊಂದಿರುವ ಶ್ರೀಮಂತರಲ್ಲ. ಅವರಿಗೆ ಆರ್ಥಿಕ ಸಾಕ್ಷರತೆ ಇಲ್ಲ." ಎಂದು ಹೇಳಿದ್ದಾರೆ.
ಅವರು ಅತಿಯಾಗಿ ಖರ್ಚು ಮಾಡುವವರಲ್ಲದಿದ್ದರೆ, ನಗದು ಹರಿವಿನ ಸಮಸ್ಯೆ ಇರುತ್ತದೆ ಎಂದು ನಾನು ಭಾವಿಸುವುದಿಲ್ಲ. ಅವರು ನಿಮಗೆ ಯೋಗ್ಯವಾದ ಶುಲ್ಕವನ್ನು ಪಾವತಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ, ಮತ್ತು ಅದು ಕೂಡ ತಕ್ಷಣ. ಇದು ತನ್ನ ಹಣಕಾಸಿನ ಮಾಹಿತಿಯನ್ನು ಹೊಂದಿರುವ ವ್ಯಕ್ತಿಗೆ ಅವರು ತಿಳಿಸಲು ಬಯಸುವ ಗ್ರಹಿಕೆಯಷ್ಟೇ. ತೋರಿಕೆಯಷ್ಟೇ ಎಂದು ಒಬ್ಬರು ಹೇಳಿದ್ದರೆ, ಮತ್ತೊಬ್ಬರು, "ಇದು ಪ್ರದರ್ಶನವಷ್ಟೇ ಎನ್ನುವವರು ಮೂರ್ಖರು ಮತ್ತು ಭಾರತೀಯರಿಗೆ ಆರ್ಥಿಕ ಸಾಕ್ಷರತೆಯ ಕೊರತೆ ಎಷ್ಟು ಇದೆ ಎಂದು ಅವರಿಗೆ ತಿಳಿದಿಲ್ಲ. ದ್ರವ್ಯತೆ ಬಿಕ್ಕಟ್ಟನ್ನು ಉಲ್ಲೇಖಿಸಿ ನನ್ನ ಬಳಿಗೆ ಬರುವ ನನ್ನ ಹೆಚ್ಚಿನ ಗ್ರಾಹಕರೆಲ್ಲಾ, 50 ಲಕ್ಷಕ್ಕಿಂತ ಹೆಚ್ಚಿನ ಪ್ಯಾಕೇಜ್ಗಳ ಜನರಾಗಿದ್ದಾರೆ ಎಂದು ಹೇಳಿದ್ದಾರೆ.
