ಮಾನವ-ಪ್ರಾಣಿ ಸಂಘರ್ಷದ ಕಥೆ ಹೊತ್ತು ತರಲಿದೆ 'ಕದನ ವಿರಾಮ'; ಶೀಘ್ರದಲ್ಲೇ ಚಿತ್ರೀಕರಣ ಪ್ರಾರಂಭ

ಕಾಂತಾರ ಸಿನಿಮಾದ ನಂತರ, ನಿರ್ದೇಶಕರು ಮಾನವ, ಪ್ರಾಣಿಗಳು ಮತ್ತು ಭೂಮಿಗೆ ಸಂಬಂಧಿಸಿದ ಸಂಘರ್ಷಗಳ ಸುತ್ತ ಕೇಂದ್ರೀಕರಿಸುವ ಕಥೆಗಳನ್ನು ಅನ್ವೇಷಿಸುತ್ತಿದ್ದಾರೆ. ಕೆ ಭಾಸ್ಕರ್ ನಾಯಕ್ ಮತ್ತು ಸಾಮ್ರಾಟ್ ಮಂಜುನಾಥ್ ವಿ ಅವರ ಬೆಂಬಲದೊಂದಿಗೆ ಅಂತದ್ದೇ ಕಥೆಯನ್ನು ಹೊಂದಿರುವ 'ಕದನ ವಿರಾಮ' ಎಂಬ ಚಿತ್ರ ಸಜ್ಜಾಗುತ್ತಿದೆ.

ಕುತೂಹಲಕಾರಿಯಾಗಿ, ನಿರ್ದೇಶಕ ಸೂರಿ ಆರಂಭದಲ್ಲಿ ಅದೇ ಶೀರ್ಷಿಕೆಯೊಂದಿಗೆ ಚಿತ್ರ ನಿರ್ದೇಶಿಸುವ ಯೋಜನೆ ಹೊಂದಿದ್ದರು. ಆದರೆ, ಅದು ಸಾಧ್ಯವಾಗಲಿಲ್ಲ. ಇದೀಗ, 'ಕದನ ವಿರಾಮ' ಸಿನಿಮಾವನ್ನು ಮುರಳಿ ನಿರ್ದೇಶಿಸಲಿದ್ದಾರೆ. ರಿವೀಲ್ ನಂತರ ಮುರಳಿ ಅವರ ಎರಡನೇ ಯೋಜನೆಯಾಗಿದೆ.

ನಿರ್ಮಾಪಕ ಭಾಸ್ಕರ್ ನಾಯಕ್ ಕಥೆಯನ್ನು ಬರೆದಿದ್ದಾರೆ. ನಿರ್ದೇಶಕ ಮುರಳಿ ಚಿತ್ರಕಥೆ ಮತ್ತು ಸಂಭಾಷಣೆಯನ್ನು ಬರೆದಿದ್ದಾರೆ. 

ಚಿತ್ರದ ಸಂಪೂರ್ಣ ಚಿತ್ರೀಕರಣ ಕುಂದಾಪುರ ಮತ್ತು ಸುತ್ತಮುತ್ತ ನಡೆಯಲಿದೆ. ಈ ಚಿತ್ರದ ಮೂಲಕ ವಿರಾಮದ ನಂತರ ನಟ ಆಕಾಶ್ ಶೆಟ್ಟಿ ಮತ್ತೆ ಮರಳುತ್ತಿದ್ದಾರೆ. ಚಿತ್ರದಲ್ಲಿ ಛಾಯಾಶ್ರೀ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.

ಚಿತ್ರಕ್ಕೆ ವಿ ಮನೋಹರ್ ಅವರ ಸಂಗೀತ ಸಂಯೋಜನೆಯಿದ್ದು, ಈ ತಿಂಗಳ ಅಂತ್ಯದ ವೇಳೆಗೆ ಚಿತ್ರೀಕರಣ ಆರಂಭಿಸಲು ಚಿತ್ರತಂಡ ಉದ್ದೇಶಿಸಿದೆ.