ಕಾಂಗ್ರೆಸ್ ಜೊತೆಗಿನ ಮೈತ್ರಿ ಪ್ರಸ್ತಾಪವನ್ನು ಸರಾಸಗಟಾಗಿ ತಳ್ಳಿ ಹಾಕಿದ ಅವರು, ಬೆಳಿಗ್ಗೆ ಸಂಘಟನೆಯ ಮುಖಂಡರು ನನ್ನನ್ನು ಭೇಟಿಯಾಗಿ ರಾಜ್ಯದಲ್ಲಿ ಬಿಜೆಪಿಯನ್ನು ದೂರವಿಡಲು ಕಾಂಗ್ರೆಸ್ ಜೊತೆಗೆ ಕೈ ಜೋಡಿಸಬೇಕು ಹಾಗೂ ಬಿಜೆಪಿಗೆ ನಷ್ಟವಾಗುವಂತೆ ನೋಡಿಕೊಳ್ಳಬೇಕು ಎಂದು ಮನವಿ ಮಾಡಿದರು. ಮನವಿ ಪತ್ರವನ್ನು ಓದಿದ್ದೇನೆ. ಅಷ್ಟೇ ಹೊರತು ಮೈತ್ರಿಯ ಭರವಸೆ ನೀಡಲಿಲ್ಲ. ಕಾಂಗ್ರೆಸ್ ಜೊತೆಗೆ ಹೊಂದಾಣಿಕೆ ಮಾಡಿಕೊಳ್ಳಲು ಸಮಯದ ಎಲ್ಲಿದೆ? ಕಾಂಗ್ರೆಸ್'ನವರೇ ಸೀಟು ಹೊಂದಾಣಿಕೆ ಕುರಿತು ಮೊದಲು ಚರ್ಚೆ ಮಾಡಲಿ. ಅವರದ್ದು ದೊಡ್ಡ ಪಕ್ಷ ಎಂದು ವ್ಯಂಗ್ಯವಾಗಿ ಹೇಳಿದ್ದೆ. ಅದನ್ನೇ ಕೆಲ ಮಾಧ್ಯಮಗಳು ತಪ್ಪಾಸಿ ಅರ್ಥೈಸಿವೆ ಎಂದಿದ್ದಾರೆ.