ಇಂದು ಎಷ್ಟೇ ಆ್ಯಪ್ಸ್ ಇದ್ದರೂ ಕೂಡ, ಕನ್ನಡ ಆ್ಯಪ್ಸ್ ಗಳ ಕೊರತೆ ಇದೆ. ರೈಲ್ವೆ ರಿಸರ್ವೆಷನ್ ಬಗ್ಗೆ ತಿಳಿದುಕೊಳ್ಳಲು, ಬ್ಯಾಂಕಿಂಗ್ ( ಕೆನರಾ, ಕರ್ನಾಟಕ, ಕಾರ್ಪೋರೇಷನ್, ಸಿಂಡಿಕೇಟ್ ಬ್ಯಾಂಕುಗಳು ಕರ್ನಾಟಕದ್ದೇ ಆದರೂ ಒಂದೂ ಕನ್ನಡ ಆ್ಯಪ್ಸ್ ಗಳನ್ನು ತಂದಿರುವ ಬಗ್ಗೆ ನನಗೆ ಗೊತ್ತಿಲ್ಲ), ಚಿತ್ರ ಮಂದಿರಗಳ ಆ್ಯಪ್ಸ್, ಕನ್ನಡ ಸಾಹಿತ್ಯದ ಆ್ಯಪ್ಸ್ ಹೀಗೆ ಹಲವಾರು ಅವಕಾಶಗಳಿವೆ. ಇನ್ನು ಜನಪ್ರಿಯತೆಯನ್ನು ಗಳಿಸಲು ಹಲವಾರು ಇಂಗ್ಲೀಷ್ ಮಾದರಿಯ ಆ್ಯಪ್ ಗಳನ್ನೂ ಕನ್ನಡದಲ್ಲಿ ಡೆವಲಪ್ ಮಾಡಬಹುದು. ಆರೋಗ್ಯಕ್ಕೆ ಸಂಬಂಧಪಟ್ಟ ಆ್ಯಪ್ಸ್ ಗಳನ್ನು ಕನ್ನಡದಲ್ಲಿ ಮಾಡಬಹುದು. ಕನ್ನಡ ಜಾನಪದ ಜಗತ್ತು ಎಷ್ಟು ಶ್ರೀಮಂತವಾಗಿದೆ, ಅದನ್ನೆಲ್ಲ ಸೇರಿಸಿ ಒಂದು ಆ್ಯಪ್ಸ್ ಡೆವಲಪ್ ಮಾಡಬಹುದು. ಡೆವಲೆಪ್ ಮಾಡುವುದು ಒಂದು ಚಾಲೆಂಜ್ ಆದರೆ ಅದನ್ನು ಉತ್ಕೃಷ್ಟವಾಗಿ, ಆಕರ್ಷಣೀಯವಾಗಿ ಮಾಡುವುದು ಇನ್ನೂ ದೊಡ್ಡ ಚಾಲೆಂಜ್. ಅದಕ್ಕೆ ಬೇಕಾದ ಜನ, ಮನ, ಎಲ್ಲಕ್ಕಿಂತಲೂ ಮುಖ್ಯವಾಗಿ ಹಣದ ಸಂಯೋಜನೆ ಸಂಗ್ರಹಣೆ ಮುಖ್ಯ.