ವಾಷಿಂಗ್ಟನ್: ಫೇಸ್ ಬುಕ್ ಮೆಸೆಂಜರ್ ಬಳಕೆದಾರಾರಿಗೆ ಶೀಘ್ರವೇ ಗೇಮ್ಸ್ ಸೌಲಭ್ಯ ದೊರೆಯಲಿದೆ.
ಮೆಸಂಜರ್ ನಲ್ಲಿ ಹೊಸ ಸೌಲಭ್ಯ ಅಳವಡಿಸುವ ಬಗ್ಗೆ ಫೇಸ್ ಬುಕ್ ಸಂಸ್ಥೆ ಈಗಾಗಲೇ ತನ್ನ ಡೆವಲಪರ್ ಗಳೊಂದಿಗೆ ಚರ್ಚೆ ನಡೆಸುತ್ತಿದ್ದು. ಆಪ್ ಸ್ಟೋರ್ ನಲ್ಲಿ ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದೆ. ಗೇಮ್ಸ್ ಸೌಲಭ್ಯವನ್ನು ನೀಡುವ ಫೇಸ್ ಬುಕ್ ನ ಯೋಜನೆ ಪ್ರಪರಂಭಿಕ ಹಂತದಲ್ಲಿದೆಯಾದರೂ ಬಳಕೆದಾರರಲ್ಲಿ ಕುತೂಹಲ ಮೂಡಿದೆ.
ಮಾರ್ಚ್ ನಿಂದ ಫೇಸ್ ಬುಕ್ ಖಾತೆ ಹೊಂದಿಲ್ಲದೇ ಇರುವವರಿಗೂ ಮೆಸೆಂಜರ್ ಆಪ್ ಬಳಸುವುದಕ್ಕೆ ಅನುಮತಿ ನೀಡಲಾಗಿದೆ. ಗೇಮ್ಸ್ ಸೌಲಭ್ಯ ಕಲ್ಪಿಸುವುದರಿಂದ ಹೆಚ್ಚು ಬಳಕೆದಾರರನ್ನು ಹಾಗೂ ಆದಾಯ ಬರಬಹುದೆಂಬ ನಿರೀಕ್ಷೆ ಇದೆ. ಸಾಮಾಜಿಕ ಜಾಲತಾಣ ಫೇಸ್ ಬುಕ್ ಇತ್ತೀಚಿನ ದಿನಗಳಲ್ಲಿ ಹೊಸ ಪ್ರಯೋಗಗಳನ್ನು ನಡೆಸಿದ್ದು ತನ್ನ ಜನಪ್ರಿಯತೆಯನ್ನು ಹೆಚ್ಚಿಸಿಕೊಳ್ಳುತ್ತಿದೆ.
Advertisement