ಫ್ಯಾಬ್ರಿಕ್ಸ್, ಲೆದರ್, ಮಾತ್ರೆಗಳು, ಗೊಂಬೆಗಳು, ಶೂ ಸೇರಿದಂತೆ ಹಲವು ಉತ್ಪನ್ನಗಳ ನಕಲನ್ನು ಈ ಆಪ್ ಗುರುತು ಹಿಡಿಯುವ ಸಾಮರ್ಥ್ಯ ಹೊಂದಿದ್ದು, ಶೇ.98 ರಷ್ಟು ನಿಖರ ಫಲಿತಾಂಶ ನೀಡಲಿದೆ ಎಂದು ನ್ಯೂಯಾರ್ಕ್ ವಿಶ್ವವಿದ್ಯಾನಿಲಯದ ಪ್ರೊಫೆಸರ್ ಲಕ್ಷ್ಮಿನಾರಾಯಣ್ ಸುಬ್ರಹ್ಮಣಿಯನ್ ಹೇಳಿದ್ದಾರೆ. ಈ ವಿನೂತನ ವ್ಯವಸ್ಥೆಯನ್ನು ಕೆನಡಾದಲ್ಲಿ ನಡೆಯಲಿರುವ ನಾಲೆಡ್ಜ್ ಡಿಸ್ಕವರಿ ಹಾಗೂ ಡಾಟಾ ಮೈನಿಂಗ್ (ಕೆಡಿಡಿ) ಸಮ್ಮೇಳನದಲ್ಲಿ ಪ್ರಸ್ತುತಪಡಿಸಲಾಗುತ್ತದೆ. ಆಶ್ಲೇಷ್ ಶರ್ಮ, ವಿದ್ಯುತ್ ಶ್ರೀನಿವಾಸನ್ ಹಾಗೂ ಸುಬ್ರಹ್ಮಣಿಯನ್ ಎಂಬುವವರು ಸ್ಥಾಪಿಸಿರುವ ಸ್ಟಾರ್ಟ್ ಅಪ್ ಈ ಹೊಸ ತಂತ್ರಜ್ಞಾನವನ್ನು ಕಂಡುಹಿಡಿದಿದೆ.
