ಇನ್ನು ಪೋನ್ ನ ತಾಂತ್ರಿಕ ವಿಚಾರಕ್ಕೆ ಬರುವುದಾದರೆ, ಸ್ಯಾಮ್ ಸಂಗ್ ಗ್ಯಾಲಕ್ಸಿ ನೋಟ್ 9 ಅತೀ ದೊಡ್ಡ ಅಂದರೆ 6.4 ಇಂಚಿನ ಸ್ಕ್ರೀನ್ ಹೊಂದಿದೆ. ಸ್ಯಾಮ್ ಸಂಗ್ ಗ್ಯಾಲಕ್ಸಿ ಸರಣಿಯಲ್ಲೇ ಇದು ಅತೀ ದೊಡ್ಡ ಸ್ಕ್ರೀನ್ ಹೊಂದಿರುವ ಫೋನ್ ಆಗಿದೆ ಎಂಬ ಖ್ಯಾತಿಯೂ ಇದಕ್ಕಿದೆ. ನೋಟ್ 9 ಕ್ವಾಡ್ ಹೆಚ್ ಡಿ ಪ್ಲಸ್ (1440x2960 ಪಿಕ್ಸೆಲ್) ಸೂಪರ್ ಅಮೋಲ್ಡ್ ಇನ್ಫಿನಿಟಿ ಡಿಸ್ ಪ್ಲೇ ಹೊಂದಿದೆ. ಎಸ್ ಪೆನ್ ಸವಲತ್ತು ಇದರ ಮತ್ತೊಂದು ಸಕಾರಾತ್ಮಕ ಅಂಶವಾಗಿದ್ದು, ಸುಧೀರ್ಘ ಸಮಯ ಬಳಕೆಗೆ ಅನುಕೂಲವಾಗುವಂತೆ ಅತೀ ದೊಡ್ಡ ಬ್ಯಾಟರಿಯನ್ನು ಈ ಫೋನ್ ಹೊಂದಿದ್ದು, 4000 ಎಂಎಹೆಚ್ ಸಾಮರ್ಥ್ಯವನ್ನು ಈ ಬ್ಯಾಟರಿ ಹೊಂದಿದೆ. ಈ ಮಾದರಿಯ ಅಂದರೆ ಇಷ್ಟು ದೊಡ್ಡ ಪ್ರಮಾಣದ ಡಿಸ್ ಪ್ಲೇ ಹೊಂದಿರುವ ಪೋನ್ ಗಳಿಗೆ ಹೋಲಿಕೆ ಮಾಡಿದರೆ ಇದರ ತೂಕ ಕೂಡ ಕಡಿಮೆ ಇದ್ದು, ಸುಮಾರು 200 ಗ್ರಾಂ ತೂಕವಿದೆ. ಗ್ಯಾಲಕ್ಸಿ ಎಸ್9 ಡುಯೋ ನಂತೆ, ನೋಟ್ 9 ಫೋನ್ ಯುಎಸ್ ವೇರಿಯಂಟ್ ನಲ್ಲಿರುವ ಸ್ನ್ಯಾಪ್ ಡ್ರ್ಯಾಗನ್ 845 ಸಾಕೆಟ್ ಹೊಂದಿರಲಿದ್ದು, ಇತರೆ ಮಾರುಕಟ್ಟೆಗಳಲ್ಲಿ ಲಭ್ಯವಾಗುವ ಫೋನ್ ಗಳಲ್ಲಿ Exynos 98-10 ಸಾಕೆಟ್ ಇರಲಿದೆ. ಸ್ಯಾಮ್ ಸಂಸ್ಥೆ ಹೇಳಿಕೊಂಡಿರುವಂತೆ ನೋಟ್ 9 ಅತ್ಯಂತ ಪವರ್ ಫುಲ್ ಚಿಪ್ ಸೆಟ್ ಹೊಂದಿದೆ. ಇದು ವೇಗವಾಗಿ ಮತ್ತು ಕರಾರುವಕ್ಕಾಗಿ ಕಾರ್ಯ ನಿರ್ವಹಿಸಲು ನೆರವಾಗುತ್ತದೆ.