ಫೇಸ್ಬುಕ್ ಮೆಸೆಂಜರ್ ನಲ್ಲಿ ಗ್ರೂಪ್ ಚಾಟ್ ಜೊತೆ ಒಟ್ಟಿಗೇ ವಿಡಿಯೋ ನೋಡುವ ಸೌಲಭ್ಯ ಶೀಘ್ರ

ಕ್ಯಾಲಿಪೋರ್ನಿಯಾ: ಹೆಚ್ಚಿನ ಬಳಕೆದಾರರು ಸಂವಹನಕ್ಕಾಗಿ ಮೆಸೆಂಜರ್ ಬಳಸುತ್ತಿರುವಂತೆ ಈಗ ಫೇಸ್ಬುಕ್  ಹೊಸ ಪ್ರಯೋಗಕ್ಕೆ ಮುಂದಾಗಿದೆ. ಮೆಸೆಂಜರ್ ನಲ್ಲಿ ಗ್ರೂಪ್ ಚಾಟ್ ಜೊತೆ ಒಟ್ಟಿಗೆ ವಿಡಿಯೋ ನೋಡುವ ಸೌಲಭ್ಯ ಶೀಘ್ರದಲ್ಲಿಯೇ  ದೊರೆಯಲಿದೆ.

ಈ ಫೀಚರ್ ನಲ್ಲಿ  ಗುಂಪು ಚಾಟ್ ಜೊತೆಗೆ ಒಟ್ಟಿಗೆ ವಿಡಿಯೋ  ನೋಡುವ ಅವಕಾಶ ದೊರೆಯಲಿದೆ ಎಂದು ಸಿನೆಟ್ ವರದಿ ಮಾಡಿದೆ.

ಗುಂಪಿನಲ್ಲಿ ಚಾಟ್ ಮಾಡುತ್ತಿರುವ ಎಲ್ಲಾ ವ್ಯಕ್ತಿಗಳನ್ನು ನೋಡಬಹುದಾಗಿದೆ. ಅಲ್ಲದೇ ಯಾರು ನೋಡುತ್ತಿದ್ದಾರೆ ಎಂಬುದನ್ನು ನೋಡಬಹುದಾಗಿದೆ.  ಈ ಹೊಸ ವೈಶಿಷ್ಟ್ಯವನ್ನು  ಬಳಕೆದಾರರಾದ ಅನನ್ಯ ಅರೊರಾ ಕಂಡುಹಿಡಿದಿದ್ದು, ಕೋಡಿನ ಸ್ಕ್ರೀನ್ ಹಾಟ್ಸ್  ಪೋಸ್ಟ್ ಮಾಡಿದ್ದಾರೆ.

ಮೆಸೆಂಜರ್ ನಲ್ಲಿ ಯಾವಾಗಲೂ ಹೊಸ ಹೊಸ ಪ್ರಯತ್ನ ಮಾಡಲಾಗುತ್ತಿರುತ್ತದೆ. ಈ ವೈಶಿಷ್ಠ್ಯ ಕೆಲವರಿಗೆ ಹೋಗಬಹುದು, ಮತ್ತೆ ಕೆಲವರಿಗೆ  ಹೋಗದೆ ಇರಬಹುದು ಎಂದು ಫೇಸ್ಬುಕ್ ಹೇಳಿದೆ.