ಅದು ನಿಗೂಢ ಸಾವು!: ಇಷ್ಟೊಂದು ಪ್ರಾಮಾಣಿಕ, ನಿಷ್ಕಳಂಕ ಹಾಗೂ ಮೃದುಭಾಷಿಯಾಗಿದ್ದ ಶಾಸ್ತ್ರಿಯವರು ಜನವರಿ 11, 1966 ರಂದು ಮಧ್ಯರಾತ್ರಿ 1 ಗಂಟೆ 32 ನಿಮಿಷಕ್ಕೆ ನಿಗೂಢ ರೀತಿಯಲ್ಲಿ ದಯಾಘಾತದಿಂದ ಸಾವನ್ನಪ್ಪಿದ್ದರು. ಶಾಸ್ತ್ರಿಯವರ ಸಾವಿನಲ್ಲಿ ನಿಗೂಢತೆಯಿದೆ.ಅವರಿಗೆ ವಿಷ ಪ್ರಾಶನ ಮಾಡಲಾಗಿದೆ, ಈ ಬಗ್ಗೆ ತನಿಖೆ ನಡೆಸಬೇಕೆಂದು ಶಾಸ್ತ್ರಿಯವರ ಪತ್ನಿ ಲಲಿತಾ ಶಾಸ್ತ್ರಿ ಆಗ್ರಹಿಸಿದ್ದರು. ವರದಿಗಳ ಪ್ರಕಾರ ಶಾಸ್ತ್ರಿಯವರ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಒಳಪಡಿಸಿಲ್ಲ. ಆದರೆ ಶಾಸ್ತ್ರಿಯವರ ಹೊಟ್ಟೆಯ ಭಾಗದಲ್ಲಿ ನೀಲಿ ಕಲೆ ಮತ್ತು ಸೀಳಿದ ಗಾಯವಿತ್ತು. ಮರಣೋತ್ತರ ಪರೀಕ್ಷೆ ನಡೆಸದೇ ಇದ್ದರೂ ಅವರ ದೇಹದಲ್ಲಿ ಆ ಕಲೆ ಹೇಗೆ ಬಂತು ಎಂದು ಶಾಸ್ತ್ರಿಯವರ ಮಗ ಸುನಿಲ್ ಪ್ರಶ್ನಿಸಿದ್ದರು.