ಬೇಸಿಗೆಯಲ್ಲಿ ಹಡಗುಗಳು ಆಗಮಿಸುವ ದಿನಗಳಂದು ನಾವು ಮುಂದಿನ ಒಂದು ವರ್ಷಕ್ಕೆ ಸಾಕಾಗುವಷ್ಟು ಆಹಾರ ಸಾಮಗ್ರಿಗಳನ್ನು, ಅಗತ್ಯ ವಸ್ತುಗಳನ್ನು ತೆಗೆದಿರಿಸಿಕೊಳ್ಳಬೇಕಾಗುವುದು. ಹಾಗೆಯೇ ಕಳೆದ ಬಾರಿ ಉಪಯೋಗಿಸಿದ ಆಹಾರ, ಅಗತ್ಯ ವಸ್ತುಗಳಿಂದ ಉತ್ಪನ್ನವಾದ ತ್ಯಾಜ್ಯವನ್ನು ಸರಿಯಾಗಿ ಪ್ಯಾಕ್ ಮಾಡಿ ಅದೇ ಹಡಗಿನಲ್ಲಿ ವಾಪಾಸ್ ಕಳಿಸಲಾಗುತ್ತದೆ. ಈ ಮೂಲಕ ನಮ್ಮ ಭೂ ಕೇಂದ್ರವನ್ನು ಅತ್ಯಂತ ಸ್ವಚ್ಚವಾಗಿ ಇಡಲಾಗುತ್ತದೆ ಎಂದು ಮಂಗಳಾ ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.