ಬೆಂಗಳೂರು: ವಿರೋಚಿತ ಹೋರಾಟ ನೀಡುವ ಮೂಲಕ ಪ್ರಸಕ್ತ ಋತುವಿನ ಐ ಲೀಗ್ ಟೂರ್ನಿಯ ಅಂಕಪಟ್ಟಿಯಲ್ಲಿ ದ್ವಿತೀಯ ಸ್ಥಾನದಲ್ಲಿರುವ ಬೆಂಗಳೂರು ಎಫ್ ಸಿ, ಮಂಗಳವಾರ ಬಿಡಿಎಫ್ ಎ ಫುಟ್ಬಾಲ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಐ ಲೀಗ್ ಪಂದ್ಯದಲ್ಲಿ ಮುಂಬೈ ಎಫ್ ಸಿಯನ್ನು ಎದುರಿಸಲಿದೆ.
ಈವರೆಗೆ 12 ಪಂದ್ಯಗಳನ್ನಾಡಿರುವ ಬೆಂಗಳೂರು ತಂಡ, 3ರಲ್ಲಿ ಜಯ ಸಾಧಿಸಿ, 3 ಪಂದ್ಯಗಳನ್ನು ಡ್ರಾ ಮಾಡಿಕೊಂಡು ಒಟ್ಟು 21 ಅಂಕಗಳನ್ನು ಕಲೆಹಾಕಿದೆ. ಆದರೆ, ಇಷ್ಟೇ ಅಂಕಗಳನ್ನು ಕಲೆಹಾಕಿರುವ ರಾಯಲ್ ವಾಹಿಂಗ್ಡೊ ಎಫ್ ಸಿ ತಂಡ ಅಂಕಪಟ್ಟಿಯಲ್ಲಿ ತೃತೀಯ ಸ್ಥಾನದಲ್ಲಿದ್ದರೂ, ಬೆಂಗಳೂರು ಎಫ್ ಸಿಗೆ ಪೈಪೋಟಿ ನೀಡಿ ದ್ವಿತೀಯ ಸ್ಥಾನ ಕಸಿದುಕೊಳ್ಳುವ ಆತುರದಲ್ಲಿದೆ. ಆದರೆ, 2ನೇ ಸ್ಥಾನದಲ್ಲಿ ಮುಂದುವರಿಯುವದು ಬಿಎಫ್ ಸಿಗೆ ಈಗ ಬಹು ದೊಡ್ಡ ಸವಾಲು. ಹಾಗಾಗಿ, ಮಂಗಳವಾರ ನಡೆಯಲಿರುವ ಮುಂಬೈ ವಿರುದ್ಧದ ಪಂದ್ಯ, ಬೆಂಗಳೂರು ತಂಡದ ಪಾಲಿಗೆ ಮಹತ್ವದ್ದಾಗಿದೆ.
ಅತ್ತ, ತಾನು ಆಡಿರುವ 11 ಪಂದ್ಯಗಳಲ್ಲಿ ಕೇವಲ 3 ರಲ್ಲಿ ಜಯಗಳಿಸಿರುವ ಮುಂಬೈ ತಂಡ ತನ್ನ ಸೋಲಿನ ಸರಪಳಿಯಿಂದ ಹೊರಗೆ ಬರಬೇಕಿದೆ.
Advertisement